ఓయ్ సినిమాలో.. హీరోయిన్ కాస్ట్యూమ్స్ వెనుక ఇంత పెద్ద సీక్రెట్ ఉందా?
ఈ సినిమా విడుదలై దాదాపు దశాబ్ద కాలం గడిచిపోతుంది. అయినప్పటికీ ఈ మూవీకి ఉన్న క్రేజ్ మాత్రం ఇప్పటికి తగ్గలేదు. ఈ సినిమా టీవీలో వస్తుంది అని తెలిసిన కూడా ప్రేక్షకులందరూ టీవీలకు అతుక్కు పోతు ఉంటారు. బ్యూటిఫుల్ లవ్ స్టోరీ ని చూసి తెగ ఆనంద పడిపోతూ ఉంటారు అన్న విషయం తెలిసిందే. ఇక యూత్ అందరికీ కూడా ఈ బ్యూటిఫుల్ లవ్ స్టోరీ సినిమా ఫేవరెట్ గా ఉంటుంది. సిద్ధార్థ హీరోగా నటించిన ఈ సినిమాలో హీరోయిన్గా బేబీ షామిలి నటించింది. అందరూ హీరోల సినిమాలలో లాగా పెద్ద పెద్ద ఫైట్ సీన్లు కమర్షియల్ ఎలిమెంట్స్ ఏం లేకపోయినా ఈ సినిమా అద్భుతమైన లవ్ స్టోరీ తోనే ప్రేక్షకుల హృదయాలను గెలుచుకుంది అని చెప్పాలి.
అయితే ఇన్నేళ్ల తర్వాత ఓయ్ సినిమాను ఇటీవలే మరోసారి రి రిలీజ్ చేశారు. ఇక ఈ మూవీకి ఏ రేంజ్ లో రెస్పాన్స్ వచ్చిందో ప్రత్యేకంగా చెప్పాల్సిన పనిలేదు. అయితే ఈ మూవీలోని సంధ్య క్యారెక్టర్ కాస్ట్యూమ్స్ గురించి డైరెక్టర్ ఆనంద్ ఆసక్తికర విషయాలను ప్రేక్షకులతో పంచుకున్నాడు. ఈ మూవీలో హీరోయిన్ క్యారెక్టర్ కాస్ట్యూమ్స్ మొత్తం సూర్యాస్తమయంలోని రంగులే ఉంటాయి అంటూ చెప్పుకొచ్చాడు. మొదట ప్రకాశవంతమైన పసుపు.. తర్వాత నారింజ తర్వాత ఎరుపు చివరికి నలుపు రంగు డ్రెస్సులని అటు హీరోయిన్ వేసుకుంటుంది అంటూ చెప్పుకొచ్చాడు డైరెక్టర్ ఆనంద్.