భారత క్రికెట్లో.. ఇక ఆ ఇద్దరి కెరియర్ ముగిసినట్టేనా?
భారత జట్టు ఏదైనా టెస్ట్ మ్యాచ్ ఆడుతుంది అంటే చాలు ఇక ఇద్దరు లేని జట్టును అసలు ఊహించుకోలేకపోయేవారు అభిమానులు. కానీ గత కొంతకాలం నుంచి ఈ ఇద్దరు సీనియర్ ప్లేయర్లకు భారత జట్టులో చోటే లేకుండా పోయింది అని చెప్పాలి. ఎప్పటికప్పుడు యువ ఆటగాళ్లు టెస్టుల్లోకి అరంగేట్రం చేస్తూ అదరగొడుతున్న నేపథ్యంలో.. ఇక ఈ సీనియర్ ప్లేయర్లను సెలెక్టర్లు అస్సలు పట్టించుకోవట్లేదు.
దీంతో దేశవాళి టోర్నీలతో పాటు అటు ఇంగ్లాండ్ కౌంటిలలో ఆడుతూ ఉన్నారు ఈ ఇద్దరు. అయితే ఇక ప్రస్తుత పరిస్థితి చూస్తూ ఉంటే ఇద్దరు టెస్ట్ స్పెషలిస్ట్ బ్యాట్స్ మెన్ల కెరియర్ ముగిసినట్లే అన్నది అర్థమవుతుంది. ఎందుకంటే మొన్నటికి మొన్న సౌత్ ఆఫ్రికా తో జరిగిన టెస్ట్ సిరీస్ కు ఇద్దరిని పక్కన పెట్టిన సెలెక్టర్లు.. ఇక ఈనెల 25వ తేదీ నుంచి ఇంగ్లాండుతో జరగబోయే ఐదు మ్యాచ్ల టెస్ట్ సిరీస్ జట్టు ఎంపికలో కూడా వీరిని పరిగణలోకి తీసుకోలేదు. దీంతో మరోసారి రహానే, పూజారాలకు నిరాశ ఎదురయింది. రంజీలలో భారీగా పరుగులు చేసినప్పటికీ సెలెక్టర్లు వీరిని పట్టించుకోవట్లేదు. దీంతో ఇక కెరియర్ ముగిసిపోయినట్లే.. మళ్లీ వీరిని టీమ్ ఇండియాలో చూడటం కష్టమే అని క్రికెట్ విశ్లేషకులు కూడా అనుకుంటున్నారు.