నాని, ప్రియదర్శి సినిమాకి అదిరిపోయే టైటిల్..!?
నటుడు, కమిడియన్ ప్రియదర్శి వరుస సినిమాలతో బిజీగా ఉన్నాడు. చివరిసారిగా డార్లింగ్ చిత్రంలో కనిపించాడు. ఈ చిత్రం బాక్సాఫీస్ వద్ద ఆశించిన ఫలితాన్ని అయితే అందుకోలేదు. అయితే ఇటీవల తన పుట్టిన రోజు సందర్భంగా, తన నెక్స్ట్ మూవీకి సంబందించిన టైటిల్ ను ప్రకటించాడు. సారంగపాణి జాతకం అనే ఇంట్రెస్టింగ్ టైటిల్ ను ఖరారు చేసారు మేకర్స్. అయితే టైటిల్ తో పాటుగా, ఫస్ట్ లుక్ పోస్టర్ ను కూడా విడుదల చేశారు. పోస్టర్ మాత్రం చాలా ఆసక్తికరంగా ఉంది. మోహనకృష్ణ ఇంద్రగంటి దర్శకత్వంలో తెరకెక్కుతున్న ఈ చిత్రంలో రూప కొడువాయూర్ కథానాయికగా నటిస్తోంది. సీనియర్ నటుడు కే.
నరేష్, తనికెళ్ల భరణి, అవసరాల శ్రీనివాస్, వెన్నెల కిషోర్, వైవా హర్ష, శివన్నారాయణ కీలక పాత్రల్లో కనిపించనున్నారు. శ్రీదేవి మూవీస్ పతాకంపై శివలెంక కృష్ణ ప్రసాద్ నిర్మిస్తున్న ఈ చిత్రానికి వివేక్ సాగర్ సంగీతం అందిస్తున్నాడు. మరోవైపు రామ్ జగదీశ్ దర్శకత్వంలో ప్రియదర్శి హీరోగా చేస్తున్న సినిమాకు 'కోర్ట్' అనే టైటిల్ ఖరారు చేశారు. ‘State vs A Nobody’ అనేది ట్యాగ్‌లైన్‌. ఇందుకు సంబంధించిన పోస్టర్, మోషన్ పోస్టర్‌ని నేడు రిలీజ్ చేశారు. కోస్టల్ ఏరియా, డాక్యుమెంట్స్‌, కోర్టు బోను, న్యాయ దేవత లాంటి విజువల్స్‌తో పోస్టర్‌ని వదిలారు. ఈ మోషన్ పోస్టర్ సినిమాపై క్యూరియాసిటీ పెంచుతోంది.
వాల్‌ పోస్టర్ సినిమా బ్యానర్‌పై ప్రశాంతి త్రిపిరినేని ఈ చిత్రాన్ని నిర్మిస్తున్నారు. ఈ సినిమాకు నాని సమర్పకుడిగా మాత్రమే వ్యవహరిస్తున్నారు. ఈరోజు కోర్ట్ సినిమా పూజా కార్యక్రమాలతో ఘనంగా లాంచ్ అయింది. నాని క్లాప్‌ కొట్టగా.. నిర్మాత ప్రశాంతి కెమెరా స్విచాన్‌ చేశారు. తొలి షాట్‌కి జెమినీ కిరణ్‌ దర్శకత్వం వహించారు. సెప్టెంబర్‌లో రెగ్యులర్‌ షూటింగ్‌ ప్రారంభమవుతుంది. ఇందులో శివాజీ, సాయి కుమార్, రోహిణి, హర్షవర్ధన్, హర్ష్ రోషన్, శ్రీ దేవి తదితరులు నటిసున్నారు...!!