పెట్రోల్ రేట్ కంటే.. కిలో టమాట ధర ఎక్కువగా ఉన్న రాష్ట్రాలు ఇవే?
వర్షాల కారణంగా టమాటా పంటలు నాశనం అవ్వడం.. దీంతో ఇక దిగుబడి తగిపోవడం మార్కెట్లో డిమాండ్ పెరగడంతో ఇలా టమాటాకు ఉన్న ధరలు అంతకంతకు పెరిగిపోతున్నాయి. అయితే మొన్నటి వరకు పెట్రోల్ ధరలు పెరిగిపోయాయి అని సామాన్యుడికి భారంగా మారిపోయాయని అందరూ లబోదిబోమన్నారు. కానీ కొన్ని రాష్ట్రాలలో ఏకంగా టమాటా ధరతో పోల్చి చూస్తే పెట్రోల్ రేట్లు నయం అనే విధంగా ఉన్నాయి. ఇలా టమాటా రేట్లు పెట్రోల్ ధర కంటే ఎక్కువగా పెరిగిపోవడంతో సామాన్యులు మరింత బెంబేలెత్తిపోతున్నారు.
ఇప్పుడు దేశవ్యాప్తంగా ఎక్కడ చూసినా టమాటా రేట్ల గురించి అందరూ చర్చించుకుంటున్నారు అన్న విషయం తెలిసిందే. అయితే ఇలా పెట్రోల్ ధరలు కంటే కేజీ టమాట ధర ఎక్కువగా ఉన్న రాష్ట్రాలు ఏవో తెలుసుకుందాం.. ఆంధ్రప్రదేశ్ రాష్ట్రంలో పెట్రోల్ ధర 110.48 ఉంది. కానీ అక్కడ టమాటా ధర మాత్రం 160 రూపాయలు పలుకుతూ ఉండడం గమనార్హం. ఇక కోల్కతాలో పెట్రోల్ ధర 16 రూపాయలుగా ఉండగా.. టమాటా ధర మాత్రం 155 నుంచి 160 మధ్యలో ఉందట. ఢిల్లీలో పెట్రోల్ ధర 96.72 రూపాయలుగా ఉండగా.. టమాటా కిలో ధర మాత్రం 130 రూపాయలు పలుకుతుందట. యూపీలో పెట్రోల్ ధర 97.3రూపాయలుగా ఉండగా టమాటా ధర మాత్రం 150 రూపాయల వరకు పలుకుతుంది అనేది తెలుస్తుంది.