రేపటినుండి ఐపీఎల్ లో టాఫ్ ఫైట్... గెలిస్తే ఫైనల్...ఓడితే..?
ఇండియన్ ప్రీమియర్ లీగ్ 2024 లో భాగంగా నిన్నటితో లీగ్ మ్యాచ్ లు అన్నీ ముగిసాయి. దానితో ప్లే ఆప్స్ లోకి వెళ్లబోయేది ఎవరు? ఎవరు ఎవరితో మ్యాచ్ లు ఆడబోతున్నారు. ప్రస్తుతం టాప్ 4 ప్లేసెస్ లో ఎవరు ఉన్నారు అని అన్ని విషయాలపై ఫుల్ క్లారిటీ వచ్చేసింది. ఇకపోతే ఐ పీ ఎల్ లో టాప్ 2 ప్లేసెస్ లో నిలిచిన రెండు జట్లు మొదట తలబడతాయి. ఇక ఆ తర్వాత మూడు , నాలుగు స్థానాలలో ఉన్న జట్ల మధ్య మ్యాచ్ జరుగుతుంది. మొదటి రెండు స్థానాల్లో నిలిచిన జట్లలో ఏ జట్టు అయితే గెలుస్తుందో ఆ జట్టు నేరుగా ఫైనల్ లోకి వెళుతుంది.
ఇక మూడు , నాలుగు స్థానాల్లో ఉన్న జట్ల మధ్య మ్యాచ్ జరగగా అందులో ఓడిపోయిన జట్టు నేరుగా ఎలిమినేట్ అవుతుంది. గెలిసిన జట్టు ఒకటి , రెండు స్థానాల్లో ఉన్న టీమ్ లలో ఓడిపోయిన జట్టుతో మ్యాచ్ ఆడుతుంది. ఈ మ్యాచ్ లో ఎవరు అయితే గెలుస్తారో వారు ఫైనల్ కు చేరుతారు. ఇక ఈ సారి పాయింట్ల పట్టికలో మొదటి స్థానంలో కోల్కతా నైట్ రైడర్స్ నిలవగా , రెండవ స్థానంలో సన్రైజర్స్ హైదరాబాద్ , మూడవ స్థానంలో రాజస్థాన్ రాయల్స్ , నాలుగవ స్థానంలో రాయల్ చాలెంజర్స్ బెంగళూరు జట్లు నిలిచాయి.
ఇందులో భాగంగా రేపటి నుండి నాకౌట్ మ్యాచులు ప్రారంభం కానున్నాయి. ఇందులో మొదటగా కోల్కతా , హైదరాబాద్ మధ్య మ్యాచ్ జరగనుంది. ఇందులో గెలిచిన వారు నేరుగా ఫైనల్ కి వెళ్తారు. ఆ తర్వాత రాజస్థాన్ , బెంగళూరు తలపడనున్నాయి. ఇందులో ఓడినవారు సీజన్ నుండి నిష్క్రమించగా , గెలిచినవారు మొదటి మ్యాచ్ లో ఓడిన వారితో తలబడతారు. ఇక ఈ మ్యాచ్ లో ఎవరు గెలుస్తారో వారు ఫైనల్ కి వెళ్తారు. దానితో ఇక పై జరిగే ప్రతి మ్యాచ్ కూడా ఎంతో కీలకంగా ఉండబోతుంది.