టాలీవుడ్ లో ఆ ఇద్దరే నా ఫేవరెట్.. క్రికెటర్ మహమ్మద్ షమీ కామెంట్స్?
ఈ క్రమంలో ఇటీవల కాలంలో సోషల్ మీడియా యుగంలో ఎంతో మంది స్టార్ క్రికెటర్లు ఇక తమ అభిమాన హీరో హీరోయిన్లు ఎవరు అన్న విషయం కూడా అభిమానులతో పంచుకుంటూ ఉంటారు. అయితే భారత జట్టులో స్టార్ ఫేసర్ గా కొనసాగుతున్న మహమ్మద్ షమీ కూడా తన ఫేవరెట్ హీరో ఎవరు అని అడిగితే టాలీవుడ్ లోని ఇద్దరు బడా హీరోల పేర్లు చెప్పడం గమనార్హం. ఇది కాస్త ప్రస్తుతం సోషల్ మీడియాలో వైరల్ గా మారిపోయింది అని చెప్పాలి. అదేంటి ఎక్కువ మటుకు బాలీవుడ్ హీరోలను ఇష్టపడతారు కదా.. కానీ మహమ్మద్ షమీ మన తెలుగు హీరోలను ఇష్టపడుతున్నాడా అని అనుకుంటున్నారు కదా..
ఈ మధ్యకాలంలో తెలుగు చిత్ర పరిశ్రమ ఖ్యాతి దేశం మొత్తం దద్దరిల్లిన నేపథ్యంలో ఇక ఎంతోమంది తెలుగు హీరోలను ఆరాధించడం మొదలు పెడుతూ ఉన్నారు. ఇక ఇందులో టీమిండియా స్టార్ ఫేసర్ మహమ్మద్ షమీ కూడా చేరిపోయాడు. తనకు నచ్చిన సౌత్ ఇండియా యాక్టర్ ల గురించి చెప్పుకొచ్చాడు. హైదరాబాద్లో జరిగిన ఒక కార్యక్రమానికి హాజరైన మహమ్మద్ షమి.. సౌత్ ఇండియా సినిమాలు చూస్తానని ఇక్కడ సినిమాలు తనకు ఎంతగానో నచ్చుతాయి అంటూ తెలిపాడు. యంగ్ టైగర్ ఎన్టీఆర్, పాన్ ఇండియా స్టార్ ప్రభాస్ తన ఫేవరెట్ హీరోలు అంటూ షమి తెలిపారు.