యువరాజ్ సింగ్ పొలిటికల్ ఎంట్రీ.. ఏ పార్టీలోకి వెళ్ళబోతున్నాడంటే?
అయితే ఇటీవల కాలంలో మాత్రం ఎంతో మంది మాజీ ప్లేయర్లు వినూత్నమైన నిర్ణయాలు తీసుకుంటున్నారు. ఇక అంతర్జాతీయ క్రికెట్కు వీడ్కోలు పలికిన తర్వాత క్రికెట్కు ఎక్కడ సంబంధం లేని పాలిటిక్స్ ను కెరియర్ గా ఎంచుకుంటూ ఉన్నారు. ఏకంగా పొలిటిషియన్ గా మారిపోతున్నారు అని చెప్పాలి. ఏకంగా రాజకీయ నాయకుల లాగా ప్రచారాలను నిర్వహిస్తూ తమకు ఓటు వేయాలి అంటూ ఇక ఓటరు మహాశయులందరినీ కూడా ఆకట్టుకునే ప్రయత్నం చేస్తున్నారు. ఇప్పటికే భారత మాజీ ఆటగాడు గౌతమ్ గంభీర్ ఇలా పార్లమెంట్ ఎన్నికల్లో పోటీ చేసి విజయం సాధించారు అన్న విషయం తెలిసిందే.
ఇక ఇప్పుడు మారో లెజెండరీ క్రికెటర్ కూడా ఇలాగే పాలిటిక్స్ లోకి అడుగు పెట్టబోతున్నాడట. భారత జట్టులో అత్యుత్తమ ఆల్రౌండర్ గా పేరు సంపాదించుకున్న మాజీ ప్లేయర్ యువరాజ్ సింగ్.. పొలిటికల్ ఎంట్రీ ఇవ్వబోతున్నాడు అన్నది తెలుస్తోంది. ఏకంగా మరికొన్ని రోజుల్లో పార్లమెంట్ ఎన్నికలు జరుగుతున్న నేపథ్యంలో బిజెపి తరఫున ఆయన ఈ ఎన్నికల్లో పోటీ చేయడానికి రెడీ అవుతున్నారట. పంజాబ్ లోని గురుదాస్పూర్ లేదా చండీగఢ్ నుంచి ఎంపీగా పోటీ చేయబోతున్నట్లు తెలుస్తోంది. ఇటీవల కేంద్రమంత్రి నితిన్ గట్కరిని యువరాజ్ సింగ్ కలిసినప్పటి నుంచి ఆయన పొలిటికల్ ఎంట్రీ పై వార్తలు వస్తున్నాయి. కాగా ప్రస్తుతం యువరాజ్ లెజెండ్స్ క్రికెట్ ట్రోఫీ కోసం సిద్ధమవుతున్నాడు.