నేరెళ్ల గుండెకోత.. ఇసుకాసురుల దాహానికి బలైన పేదలు.!
- కేటీఆర్ నియోజకవర్గంలోనే ఆమానుష ఘటన.
- పెట్రేగిపోయిన ఇసుకాసురులు
- దేశవ్యాప్తంగా సంచలనమైన దమనకాండ.!
- పెట్రేగిపోయిన ఇసుకాసురులు
- దేశవ్యాప్తంగా సంచలనమైన దమనకాండ.!
తెలంగాణ ప్రత్యేక రాష్ట్రం ఏర్పడితే ప్రజలు సుభిక్షంగా బతుకుతారని ఆలోచన చేశారు. అదే తెలంగాణలో టిఆర్ఎస్ వర్కింగ్ ప్రెసిడెంట్ కేటీఆర్ ఇలాకాలో అమానుష ఘటన చోటుచేసుకుంది. ఇసుక వ్యాపారులు అమాయకుడైనటువంటి రైతుపై లారీ ఎక్కించేశారు. ఈ ఘటన దేశవ్యాప్తంగా సంచలనమైంది. మరి ఆ వివరాలు ఏంటో చూద్దాం.
కేటీఆర్ చేయించారా?
రాజన్న సిరిసిల్ల జిల్లా నేరెళ్ల ఘటన అప్పట్లో సంచలనం సృష్టించింది. 8 సంవత్సరాల క్రితం జూలై 2వ తేదీన తంగళ్ళపల్లి మండలం జిల్లెల్ల వద్ద ఇసుక లారీ ఢీకొని నేరెళ్లకు చెందిన దళితుడు భూమయ్య మరణించాడు. దీంతో కొపేద్రిక్తులైనటువంటి దళితులంతా ఆగ్రహానికి గురై ఐదు ఇసుక లారీలను తగలబెట్టేశారు. దీంతో పోలీసులకు మరియు స్థానికులకు మధ్య ఉధృత వాతావరణం నెలకొంది. 13 మందిని పై పోలీసులు కేసు పెట్టి అరెస్టు చేశారు. ఈ ఘటనలో జూలై 4 2017 రాత్రి 11.30గంటలకు నేరెళ్ల గ్రామానికి చెందిన చెప్పాలా బాలరాజు, పెంట బాలయ్య, కోల హరీష్, పసుల ఈశ్వర్ కుమార్, గంధం గోపాల్ వంటి మరికొంతమందిని అనుమానితులుగా పోలీసులు అదుపులోకి తీసుకొని 7వ తేదీన అరెస్టు చేశారు. అరెస్టు చేసిన వీరిని జూలై8వ తేదీన రిమాండ్ కు తరలించారు. అప్పటికే ఆ బాధితులను చావు దెబ్బలు కొట్టిన పోలీసులు చివరికి కరీంనగర్ జైల్లోకి తీసుకెళ్లారు. ఈ టైంలో జైలర్ శివకుమార్ నిందితులపై ఉన్న గాయాలు చూసి రిమాండ్ కు నిరాకరించాడు. వాళ్లకు పెయిన్ కిల్లర్ ట్యాబ్లెట్లు ఇచ్చి బాగానే ఉన్నారని చెప్పి డాక్టర్ ధ్రువీకరణ తీసుకొని 8న జైలుకు తరలించారు. జైల్లోకి వెళ్లిన తర్వాత నలుగురు తీవ్ర అస్వస్థకు గురయ్యారు.
వెంటనే వారిని కరీంనగర్ ప్రభుత్వ ఆసుపత్రికి తరలించారు. జైల్లో ములకత్ ద్వారా వారి కుటుంబ సభ్యులను కలిసి ఈ విషయాన్ని మొత్తం వారికి తెలియజేయడంతో రాష్ట్ర వ్యాప్తంగా నిరసనలు వ్యక్తం అయ్యాయి. దీంతో కేటీఆర్ పై అనేక విమర్శలు వచ్చాయి. సొంత నియోజకవర్గంలో కొంతమంది టిఆర్ఎస్ కు సంబంధించిన నేతలు అక్రమ ఇసుక దందా చేస్తూ లారీలతో గుద్ధిస్తూ చంపేస్తున్నారని, అడ్డు వచ్చిన వారిని ఇలా చావబాదుతున్నారని రాష్ట్రవ్యాప్తంగా ఆందోళనలు చేపట్టారు. దీంతో ఈ నేరెళ్ల ఘటన సంచలనం అయిపోయింది. అంత పెద్ద ఇష్యూ అయినా కానీ కనీసం కేటీఆర్ స్పందించలేదు. చివరికి ఒత్తిడి పెరగడంతో 40 రోజుల తర్వాత బాధితులను పరామర్శించారు. ఆదుకుంటామని హామీ ఇచ్చారు. ఈ ఘటనపై స్పందించినటువంటి జాతీయ ఎస్సీ కమిషన్ విచారణ జరిపింది, హ్యూమన్ రైట్స్ కమిషన్ నేరెళ్ల గ్రామాన్ని సందర్శించి మాట్లాడింది. అయినా ఆ బాధితులకు ఎక్కడా న్యాయం జరగలేదు. ఈ నేరెళ్ల ఘటనపై ప్రతిపక్షాలు దారుణంగా విమర్శించాయి. ఇదంతా కేటీఆర్ కనుసన్నాల్లోనే జరిగిందని, దీనికి కారకుడు ఆయనే అని దారుణంగా విమర్శలు చేశారు. అంతేకాకుండా బాధితులకు 10 లక్షల రూపాయల ఎక్స్గ్రేషియా ప్రకటించి సిట్టింగ్ జడ్జితో విచారణ చేయించాలని డిమాండ్ చేశారు. ఈ విధంగా కేటీఆర్ ఇలాకాలో ఈ ఘటన జరగడంతో రాష్ట్ర వ్యాప్తంగా తీవ్ర చర్చ జరిగింది.