టాలీవుడ్ చిత్ర పరిశ్రమ కీలక సమావేశం ?
తెలుగు చలన చిత్ర పరిశ్రమకు సంబందించిన తెలుగు చలన చిత్ర వాణిజ్య మండలి, తెలుగు ఫిలిం ప్రొడ్యూసర్స్ కౌన్సిల్, మూవీ ఆర్టిస్ట్స్ అసోసియేషన్, తెలంగాణ స్టేట్ ఫిలిం ఛాంబర్ అఫ్ కామర్స్, తెలుగు ఫిలిం ఇండస్ట్రీ ఎంప్లాయిస్ ఫెడరేషన్ - 24 క్రాఫ్ట్స్ మరియు తెలుగు ఫిలిం డైరెక్టర్స్ అసోసియేషన్ వారు తెలుగు చలన చిత్ర పరిశ్రమకు సంబంధించిన విషయములను చర్చించుటకు హైదరాబాద్ లోని ఫిలింనగర్ కల్చరల్ సెంటర్ లో 20-02-2022వ తేదీన శ్రీ ఘట్టమనేని ఆదిశేషగిరి రావు గారి అధ్యక్షతన తెలుగు చలన చిత్ర వాణిజ్య మండలి ఆధ్వర్యంలో సమావేశం జరిగిందని నారాయణ్ దాస్ కిషన్ దాస్ నారంగ్ పేర్కొన్నారు. ఈ సమావేశములో తెలుగు చలన చిత్ర వాణిజ్య మండలి ఆఫీస్ బేరర్స్ మరియు తెలుగు ఫిలిం ప్రొడ్యూసర్స్ కౌన్సిల్ ఆఫీస్ బేరర్స్, తెలంగాణ స్టేట్ ఫిలిం ఛాంబర్ అఫ్ కామర్స్ ఆఫీస్ బేరర్స్ మరియు ఇండస్ట్రీ కి సంబంధించిన ప్రముఖులు, సినీ ఆర్టిస్టులు, డైరెక్టర్స్, ఎగ్జిబిటర్స్ , ప్రొడ్యూసర్స్, స్టూడియోస్, డిస్ట్రిబ్యూటర్స్ మరియు ఫెడరేషన్ కు సంభందించిన సభ్యులు పాల్గొన్నారన్నారు నారాయణ్ దాస్ కిషన్ దాస్ నారంగ్.
ఈ సమావేశంలో తెలంగాణ మరియు ఆంధ్ర ప్రదేశ్ రాష్ట్రాలలో వున్న అడ్మిషన్ రేట్స్ మీద ఇచ్చిన జి.ఓ.లను ఏవిధముగా అమలుపరచాలనే విధానం మీద డిజిటల్ సర్వీస్ ప్రొవైడర్స్ వారి నియమ నిబంధనలు, ఫిలిం ట్రైలర్స్ , పబ్లిసిటీ ఛార్జెస్ , విపియఫ్ ఛార్జెస్, ఆన్లైన్ టిక్కెటింగ్ నడుపుతున్న సంస్థల మీద, వారి విధి విధానాలు, పర్సెంటేజ్ విధానం , ఓటిటి విధానం పలు విషయాల మీద అందరం ఒక త్రాటి మీద ఉండి పలు అంశాలపై సానుకూలంగా పరిష్కరించుకొనుటకు ఈ సమావేశంలో ఏకగ్రీవంగా నిర్ణయించడమైనదని వెల్లడించారు నారాయణ్ దాస్ కిషన్ దాస్ నారంగ్. అన్ని సెక్టార్స్ కు సంబంధించిన విషయములను, ముఖ్యముగా చిన్న సినిమాలు మరింత మనుగడ సాధించుటకు అందరం ఏకాభిప్రాయంతో ఉండి ఒక చిత్త శుద్ధితో ముందుకు వెళ్లాలని అనుకోవటం జరిగిందన్నారు నారాయణ్ దాస్ కిషన్ దాస్ నారంగ్.