చిత్ర పరిశ్రమలో పనిచేసే నటీనటులకు ఒక్క భాషతో సంబంధం ఉండదు .. ప్రధానంగా హీరోయిన్లు ఒక్క భాషకే పరిమితం అవ్వకుండా.. అవకాశం వచ్చిన అన్ని ఇండస్ట్రీలో సినిమాలు చేస్తూ ఉంటారు. అలా బాలీవుడ్ నుంచి టాలీవుడ్‌కు వచ్చిన ముద్దుగుమ్మలు చాలామంది ఉన్నారు. అలాగే మన తెలుగులో ఒక బాలీవుడ్ నుంచే కాకుండా తమిళ ,కన్నడ ,మలయాళం నుంచి వచ్చిన హీరోయిన్లు కూడా ఇక్కడ రాణిస్తున్నారు. ఎన్నో సంవత్సరాలతో బాలీవుడ్ నుంచి వస్తున్న హీరోయిన్లు ఇక్కడ స్టార్ హీరోయిన్గా చలామణి అవుతున్నారు. ఇప్పుడు మన తెలుగు సినిమాల్లో సత్తా చాటిన బాలీవుడ్ హీరోయిన్స్ ఎవరో ఒకసారి ఇక్కడ చూద్దాం.

బాలీవుడ్ లో హీరోయిన్గా కెరియర్ మొదలుపెట్టిన సీనియర్ హీరోయిన్ నగ్మా.. ఆ తర్వాత తెలుగులో కూడా కొన్ని సంవత్సరాల పాటు తన హవా కొనసాగించింది.. పెద్దింటి అల్లుడు సినిమాతో తెలుగులో ఎంట్రీ ఇచ్చిన నగ్మా ఆ తర్వాత స్టార్ హీరోలు అందరితో కలిసి నటించింది. ఘరానా మొగుడు , మేజర్ చంద్రకాంత్ , ముగ్గురు మొనగాళ్లు , కొండపల్లి రాజా వంటి సినిమాల్లో నగ్మా తెలుగు ప్రేక్ష‌కుల‌కు బాగా దగ్గరయింది. ఆ తర్వాత కూలి నెంబర్ వన్ సినిమాతో టాలీవుడ్ లో అడుగు పెట్టింది మరో ముద్దుగుమ్మ టబు.. నిన్నే పెళ్ళాడుతా సినిమాతో టాలీవుడ్ లో స్టార్ హీరోయిన్గా మారిపోయింది. ఆవాడా మా ఆవిడే, పాండురంగడు, చెన్నకేశవరెడ్డి, అందరివాడు, ఇది సంగతి వంటి సినిమాల్లో ఈమె నటించింది. ఈమె తెలుగులో హీరోయిన్గా చేసింది కొన్ని సినిమాలు అయినప్పటికీ ఇప్పటికీ ప్రేక్షకుల హృదయాల్లో చెరగని ముద్ర వేసుకుంది. అల్లు అర్జున్ హీరోగా వచ్చిన అలా వైకుంటపురం సినిమాతో మరోసారి తెలుగులో రియంట్రి ఇచ్చింది.

క్రిమినల్ మూవీతో టాలీవుడ్ లో హీరోయిన్గా ఎంట్రీ ఇచ్చింది నేపాలి ముద్దుగుమ్మ మనిషా కొయిరాలా.. అయితే ఈమె చేసింది ఒక తెలుగు సినిమానే అయినా ప్రేక్షకుల మనసులో తనదైన ముద్ర వేసుకుంది. భారతీయుడు, బోంబాయి, బాబా వంటి డబ్బింగ్ సినిమాలతో మెప్పించిన మనీషా నగ‌రం అనే తెలుగు సినిమాలో ఐటెం సాంగ్ కూడా చేసింది. మరో బాలీవుడ్ బ్యూటీ సోనాలి బింద్రే మహేష్ హీరో గా వ‌చ్చిన   మురారి సినిమాతో తెలుగు ప్రేక్షకులకు దగ్గర అయింది. ఆ తర్వాత ఇంద్ర‌, ఖడ్గం, పల్నాటి బ్రహ్మనాయుడు, మన్మధుడు, శంకర్ దాదా ఎంబిబిఎస్ వంటి సినిమాల్లో హీరోయిన్గా నటించింది. 'ప్రేమంటే ఇదేరా' సినిమాతో తెలుగు ప్రేక్షకులను పలకరించిన ప్రీతీ జింటా.. 'రాజకుమారుడు' సినిమాతో ఆకట్టుకుంది. తెలుగులో రెండు సినిమాలు మాత్రమే చేసిన ప్రీతి, వాటితోనే మంచి గుర్తింపు తెచ్చుకుంది.

'ప్రేమించుకుందాం రా' సినిమాతో తెలుగు ఇండస్ట్రీలో అడుగుపెట్టింది అంజలా ఝవేరీ. టాలీవుడ్ స్టార్ హీరోలకు జంట‌గా  'చూడాలని ఉంది' 'సమరసింహారెడ్డి' 'రావోయి చందమామ' 'దేవిపుత్రుడు' వంటి సినిమాలలో నటించి స్టార్ హీరోయిన్ గా మారింది. 'లైఫ్ ఈజ్ బ్యూటిఫుల్' సినిమాలో గెస్ట్ రోల్ చేసి అలరించింది. వీరే కాకుండా బాలీవుడ్ లో స్టార్ హీరోయిన్గా గుర్తింపు తెచ్చుకున్న ఐశ్వర్యరాయ్ కత్రినా కైఫ్ దీపికా పదుకొనే ప్రియాంక చోప్రా అలియా భట్, దిశాపటని వంటి నేటితరం హీరోయిన్లు కూడా టాలీవుడ్ లో నటించారు. ప్రస్తుతం తెలుగు సినిమాల క్రేజ్ భారీగా పెరగడంతో బాలీవుడ్ ముద్దుగుమ్మలు తెలుగు హీరోలతో కలిసి వరుస సినిమాలో చేయడానికి తెగ ఇంట్రెస్ట్ చూపిస్తున్నారు.