యావరేజ్ టాక్ తో రికార్డులు సృష్టిస్తున్న దేవర సాంగ్?
జూనియర్ ఎన్టీఆర్ హీరోగా కొరటాల శివ దర్శకత్వంలో రూపొందుతున్న దేవర సినిమా పై అంచనాలు ఏ స్థాయిలో ఉన్నాయో ప్రత్యేకంగా చెప్పనక్కర్లేదు. సోషల్ మీడియాలో దేవర సినిమాకు సంబంధించిన ఏ చిన్న పోస్ట్ వచ్చినా కూడా వైరల్ అవ్వడం మనం ఇప్పుడు చూస్తూ ఉన్నాం.అక్టోబర్ 10 వ తేదీన విడుదల అవ్వబోతున్న దేవర సినిమా యొక్క మొదటి పాట ఫియర్ సాంగ్ ను తాజాగా విడుదల చేసిన సంగతి తెల్సిందే. ఫస్ట్ డే పుష్ప 2 సాంగ్ కంటే తక్కువ రెస్పాన్స్ యావరేజ్ టాక్ దక్కించుకున్న ఈ పాట ఫస్ట్ డే తరువాత ఊపందుకోని వ్యూస్ రాబడుతుంది. చాలా తక్కువ సమయంలోనే ఈ పాటకు ఏకంగా 50 మిలియన్ల వ్యూస్ వచ్చాయి. ట్రైలర్, టీజర్ ల స్థాయిలో పాటకు ఈ స్థాయి వ్యూస్ రావడం నిజంగా ఆశ్చర్యంగా ఉంది.ఫస్ట్ డే కొంచెం అటు ఇటు అయిన ఫస్ట్ డే తరువాత నుంచి దేవర పాటకు వస్తున్న రెస్పాన్స్ చూసి అంతా షాక్ అవుతున్నారు. మొదట ఈ పాట గురించి చాలా మంది ఎన్టీఆర్ యాంటి ఫ్యాన్స్ లియో పాటకి కాపీ అంటూ నెగటివ్ కామెంట్స్ చేశారు. అయితే ప్రస్తుతం వస్తున్న వ్యూస్ మాత్రం పూర్తి విరుద్ధంగా ఉన్నాయి. తక్కువ సమయంలో 50 మిలియన్ ల వ్యూస్ రావడం నిజంగా రికార్డ్ బ్రేకింగ్ గా చెప్పుకోవచ్చు.
మహేష్ బాబు పాటల రికార్డ్స్ తప్ప అన్ని పాటల రికార్డ్స్ ఈ పాట బద్దలు కొడుతోంది.50 మిలియన్ ల వ్యూస్ తో దేవర సాంగ్ యూట్యూబ్ లో సాగిస్తున్న ఊచకోత కోస్తుంది. ముందు ముందు మరింతగా ఉండే అవకాశం ఉంది అంటూ ఎన్టీఆర్ ఫ్యాన్స్ కాలర్ ఎగరేస్తూ తెగ సంతోషం వ్యక్తం చేస్తున్నారు. విడుదల తర్వాత కలెక్షన్స్ విషయంలో ఇలాంటి రికార్డ్ లు, ఊచకోత చూడబోతున్నాం అని ఎన్టీఆర్ ఫ్యాన్స్ చెప్పుకొస్తున్నారు.ఆర్ఆర్ఆర్ మూవీ తర్వాత ఎన్టీఆర్ నటిస్తున్న సినిమా అవ్వడంతో అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా డైరెక్టర్ కొరటాల శివ ఈ సినిమాను రూపొందిస్తున్నాడు. ఆకట్టుకునే కథ ఇంకా కథనంతో తెరకెక్కుతున్న ఈ సినిమాలో ఎన్టీఆర్ కి జోడీగా జాన్వీ కపూర్ నటిస్తున్న విషయం తెల్సిందే.తమిళ స్టార్ మ్యూజిక్ డైరెక్టర్ అనిరుథ్ అందించిన సంగీతం ఈ సినిమాకు ప్రధాన ఆకర్షణగా నిలువబోతుందని చిత్ర యూనిట్ సభ్యులు మొదటి నుంచే చెబుతూ వస్తున్నారు. అన్నట్లుగానే మొదటి సింగిల్ కు మంచి స్పందన వచ్చి రికార్డ్ స్థాయి వ్యూస్ వస్తున్నాయి.