అందరూ చెప్పే మాటనే.. సినిమా టైటిల్ గా పెట్టుకున్న వెంకటేష్?
సినిమా ప్రేక్షకుల మనసుల్లో నిలిచిపోయే విధంగా ఇక అందరిలోకి దూసుకుపోయే విధంగా టైటిల్ ఉండాలి. అందుకే టైటిల్ విషయంలో దర్శక నిర్మాతలు ఎంతో జాగ్రత్తగా వ్యవహరిస్తూ ఉంటారు అన్న విషయం తెలిసిందే. ఇక ఇటీవల కాలంలో కాస్త వినూత్నంగా ఆలోచిస్తూ విచిత్రమైన టైటిల్స్ కూడా సినిమాలకు పెడుతూ ఉండడం చూస్తూ ఉన్నాం. అయితే ఇక ఇప్పుడు వెంకటేష్ సినిమాకి కూడా ఇలాంటి ఒక టైటిల్ పెట్టారు అన్నది తెలుస్తుంది. ఈ సంక్రాంతికి సైందవ్ అనే సినిమాతో ప్రేక్షకుల ముందుకు వచ్చిన వెంకటేష్ పోటీలో పెద్దగా సత్తా చాట లేకపోయినా.. ఒక మోస్తారు విజయాన్ని మాత్రం అందుకున్నాడు. ఇక ఎప్పుడూ మరో సంక్రాంతిపై దృష్టి పెట్టాడు. అనిల్ రావిపూడి దర్శకత్వంలో విక్టరీ వెంకటేష్ సినిమా చేస్తున్నాడు.
ఈ సినిమాలో త్రిష హీరోయిన్ గా నటిస్తూ ఉందట. అయితే ఈ మూవీకి డిఫరెంట్ టైటిల్ ని ఫిక్స్ చేశారు మేకర్స్. సంక్రాంతికి వస్తున్నాం అనే టైటిల్ నిర్మాతలు రిజిస్టర్ చేయించినట్లు సినీ వర్గాల్లో ఒక టాక్ నడుస్తుంది. వచ్చే యేడాది సంక్రాంతికి ఈ సినిమా విడుదల కానున్నట్లు సమాచారం. సంక్రాంతి బరిలో నిలిచే ప్రతి సినిమా మేకర్స్ కూడా సంక్రాంతికి వచ్చేస్తున్నాం అని చెబుతూ ఉంటారు. ఇలా అందరూ చెప్పే మాటనే అనిల్ రావిపూడి ఏకంగా తన సినిమాకి టైటిల్ గా పెట్టేసాడు. ఏమైనా అనిల్ రావిపూడి సినిమా కథ విషయంలోనే కాదు టైటిల్ విషయంలోనూ కాస్త డిఫరెంట్ గా ఆలోచిస్తాడు. అందుకే కదా అందరు డైరెక్టర్లలో కెల్లా అతను ప్రత్యేకమైన స్థానంలో నిలిచాడు అని నెటిజెన్స్ కామెంట్లు చేస్తున్నారు.