ఇక ఈ రోజుల్లో నకిలీవి అధికంగా పుట్టుకొస్తున్నాయి. డాక్యుమెంట్లు కూడా నకిలీవి తయారు చేస్తూ చాలా మోసాలకు పాల్పడుతున్నారు కేటుగాళ్లు.ఇక చాలా మంది ఎక్కువగా ఉపయోగించే యాప్ ఫేస్బుక్. ఈ అకౌంట్ను కూడా నకిలీ సృష్టించి ఎన్నో నేరాలకు పాల్పడుతున్నారు. ఇటీవల సైబర్ నేరాల సంఖ్య కూడా పెరిగిపోయింది. ముఖ్యంగా నకిలీ ఫేస్బుక్ అకౌంట్లతో బాగా మోసాలు పెరిగిపోతున్నాయి. నకిలీ ఫేస్బుక్ సృష్టించి వాటి ద్వారా ఫ్రెండ్ రిక్వెస్టులు కూడా పంపుతున్నారు. వాళ్ల రిక్వెస్ట్ యాక్సెప్ట్ చేయగానే అత్యవసరంగా కొంత డబ్బు చాలా అవసరం ఉందని అడుగుతున్నారు. ఇది నిజమే అనుకుని చాలా మంది కూడా డబ్బులు పంపిస్తూ మోసపోతున్నారు. ఇటీవల కాలంలో ఇలాంటి ఘటనలు అయితే చాలా జరిగాయి. అలాగే పోలీసులకు కూడా ఎన్నో ఫిర్యాదు కూడా అందాయి. దీంతో పోలీసులు కూడా అలాంటి ఖాతాలపై ప్రత్యేక నిఘాని పెట్టారు. అయితే మీ పేరుపై నకిలీ ఫేస్బుక్ అకౌంట్ను మీరు గుర్తించినప్పుడు పోలీసులకు తెలియకుండానే మనమే డిలీట్ చేసుకునే సదుపాయం ఉంది. అలాగే మీకు ఒకటి కంటే ఎక్కువ అకౌంట్లు ఉండి ఇంకా తర్వాత ఎక్కువగా ఉన్న అకౌంట్లను డిలీట్ చేయాలంటే కొన్ని టిప్స్ ద్వారా ఆ అకౌంట్లను తొలగించుకోవచ్చు.
ఇక అది ఎలాగో తెలుసుకుందాం.మీ పేరుపై నకిలీ అకౌంట్ కాగా, మీకు ఒకటి కంటే ఎక్కువ ఖాతాలు ఉండి మిగతా ఖాతాలను డిలీట్ చేయాలని ముందుగా అకౌంట్ను ఓపెన్ చేయాలి.ఇక అకౌంట్ ఓపెన్ చేసిన తర్వాత ప్రొఫైల్ ఫోటో కింద కుడివైపు మూడు చుక్కల మీద క్లిక్ చేయాలి. ఆ తర్వాత find support or report profile అనే ఆప్షన్ను ఎంపిక చేసుకోవాలి.అప్పుడు ఎందుకు రిపోర్ట్ చేస్తున్నామో కొన్ని కారణాలను తెరపై మీకు చూపిస్తుంది. వాటిలో ఫేక్ అకౌంట్ అనే ఆప్షన్పై క్లిక్ చేసి మీరు రిపోర్టు ప్రక్రియను పూర్తి చేయాలి.ఇంకా మీరు మాత్రమే కాకుండా మీ మిత్రులు మరో 20 మందితో ఇదే విధంగా ఆ అకౌంట్పై రిపోర్టు చేయించాలి.ఇక అప్పుడు ఫేస్బుక్ దీనిని పరిశీలించి నకిలీ ఖాతా ఉన్నట్లు డిలీట్ చేస్తుంది.