టెక్నాల‌జీ: షేర్‌ఇట్ లేద‌ని బాధ‌ప‌డుతున్నారా.. అయితే మీకోస‌మే ఈ ‘డోడో డ్రాప్‌’!!

Kavya Nekkanti
సరిహద్దులలో యుద్ధవాతావరణం సృష్టిస్తున్న‌ చైనా దేశానికి బుద్ధి చేపేందుకు ఇటీవ‌ల భార‌త్ ప్ర‌భుత్వం సడెన్‌గా 59 చైనా యాప్స్‌ని నిషేధించి షాక్ ఇచ్చింది. దేశవ్యాప్తంగా చైనా ఉత్పత్తులపై వ్యతిరేకత పెరుగుతున్న నేపథ్యంలో కేంద్ర ప్రభుత్వం ఈ కీలక నిర్ణయం తీసుకుంది. ఇక బ్యాన్ చేసిన యాప్స్‌లో టిక్ టాక్‌, షేర్‌ఇట్, హలో వంటి యాప్స్ కూడా ఉన్నాయి. ముఖ్యంగా షేర్ఇట్ యాప్ విష‌యానికి వ‌స్తే.. ఫైల్ షేరింగ్ యాప్. ఇది రెండు పరికరాల మధ్య ఫైల్‌లను సులభంగా షేర్ చేయడానికి వినియోగదారులను అనుమతిస్తుంది.

ఫోన్ మరియు కంప్యూటర్ మధ్య ఫైల్‌లను భాగస్వామ్యం చేయడానికి కూడా దీనిని ఉపయోగించవచ్చు. దీనిని కూడా దేశంలో మిలియన్ల మంది వినియోగదారులు ఉపయోగిస్తున్నారు. అయితే ఇటీవ‌ల ఈ యాప్ బ్యాన్ అవ్వ‌డంతో.. చాలా మంది ఇబ్బందులు ప‌డుతున్నారు. అయితే అలాంటి వారికోసం ఇప్పుడు `డోడో డ్రాప్` అందుబాటులోకి వ‌చ్చింది. జమ్మూకశ్మీర్‌లోని రాజౌరి జిల్లా చాట్‌ఇయర్‌కు చెందిన అష్ఫక్‌ మహమూద్ చౌదరి అనే 17 ఏండ్ల బాలుడు ఈ ఫైల్ షేరింగ్ యాప్‌ను అభివృద్ధి చేశాడు.

ఈ డోడో డ్రాప్ యాప్‌ ద్వారా ఇంటర్‌నెట్‌ లేకుండా ఆడియోలు, వీడియోలు, చిత్రాలు, పాఠాలను షేర్‌ చేసుకోవచ్చు. ఈ డోడో డ్రాప్ అనువర్తనం 480 ఎంబీపీఎస్‌ వరకు బదిలీ రేటును కలిగి ఉందని, ఇది షేర్‌ ఇట్‌ కంటే వేగంగా ఉంటుందని, దీన్ని యూజ్ చేయ‌డం చాలా సులభమని అష్ఫక్‌ మహమూద్ చౌదరి పేర్కొన్నాడు. ఇక ఈ యాప్‌ను డెవ‌ల‌ప్ చేసేందుకు త‌న‌కు 4 వారాల స‌మ‌యం ప‌ట్టింద‌న్నాడు. ఆగ‌స్టు 1న దీన్ని విడుద‌ల‌ చేశాన‌ని తెలిపాడు. కాగా, ప్ర‌ధాని మోదీ ఆత్మ‌నిర్భ‌ర భార‌త్‌లో భాగంగా తాను ఈ యాప్‌ను డెవ‌ల‌ప్ చేశాన‌ని, ఇక‌పై కూడా ఇలాగే భార‌త యూజ‌ర్ల‌కు అవ‌స‌ర‌మ‌య్యే యాప్స్ త‌యారు చేస్తాన‌ని చెప్పుకొచ్చాడు అష్ఫక్‌ మహమూద్ చౌదరి చెప్పుకొచ్చాడు.

మరింత సమాచారం తెలుసుకోండి:

సంబంధిత వార్తలు: