ఐపీఎల్ - 2024 తర్వాత.. అతను రిటైర్మెంట్ ప్రకటిస్తాడట తెలుసా?
అయితే ఈ ఐపీఎల్ సీజన్ ముగిసిన తర్వాత కొంతమంది సీనియర్ క్రికెటర్లు తమ కెరియర్ కు రిటైర్మెంట్ ప్రకటించే అవకాశం ఉంది అని విశ్లేషకులు అంచనా వేస్తున్నారు. అలాంటి ఆటగాళ్ళలో దినేష్ కార్తీక్ కూడా ఒకరు అన్న విషయం తెలిసిందే. అనూహ్యంగా రాయల్ చాలెంజర్స్ బెంగళూరు జట్టులో ఛాన్స్ దక్కించుకున్న దినేష్ కార్తీక్ తన ఆటతీరుతో ఎలా సర్ ప్రైస్ చేస్తాడో ప్రత్యేకంగా చెప్పాల్సిన పనిలేదు. ఏకంగా దూకుడు అయిన ఆట తీరుతో ఆర్సిబి విజయాలలో కీలకపాత్ర వహించాడు. అద్భుతమైన ఫినిషింగ్ తో అదరగొట్టేసాడు ఇక ఇలాంటి ఆట తీరుతోనే అటు భారత జట్టులోకి కూడా మళ్ళీ రీ ఎంట్రీ ఇచ్చాడు.
కానీ ఆ తర్వాత కాలంలో మాత్రం ఇదే ఆట తీరుని కొనసాగించలేక నిరాశపరిచాడు. ఇక తర్వాత ఐపిఎల్ సీజన్లోనూ దినేష్ కార్తీక్ పెద్దగా చెప్పుకోదగ్గ ప్రదర్శన చేయలేదు. అయితే ఈ ఏడాది అతనికి ప్రదర్శన ఎలా ఉంటుంది అన్నది ఆసక్తికరంగా మారిపోయింది. అయితే ప్రస్తుతం అతనికి 38 ఏళ్లు. కాగా ఐపీఎల్ 2024 ముగిసిన వెంటనే అతను అంతర్జాతీయ క్రికెట్ తో పాటు ఐపీఎల్ కు వీడ్కోలు పలికే అవకాశం ఉంది అన్నది తెలుస్తుంది. ఐపీఎల్ ముగిశాక తర్వాత కేవలం తమిళనాడు తరపున దేశవాళి క్రికెట్ మాత్రమే ఆడుతున్నాడు. కాగా గత కొంతకాలంగా వ్యాఖ్యాత వృత్తిలో అదరగొడుతున్న దినేష్ కార్తీక్ ఇక ఈ వృత్తిపైనే పూర్తిస్థాయి ఫోకస్ పెట్టడానికి నిర్ణయించుకున్నాడు అన్నది తెలుస్తోంది.