మొన్నే రిటైర్మెంట్.. అంతలోనే మనసులో మాట బయట పెట్టిన వార్నర్?
అయితే ఈ ఏడాది జూన్ 1వ తేదీ నుంచి ప్రారంభం కాబోయే 2024 t20 వరల్డ్ కప్ తర్వాత ఇక ఈ పొట్టి ఫార్మాట్ నుంచి కూడా వార్నర్ తప్పుకునే అవకాశం ఉంది అన్నది తెలుస్తుంది. అయితే ఇక ఇటీవల రిటైర్మెంట్ ప్రకటించిన వార్నర్.. తన భవిష్యత్తు గురించి ఆసక్తికర వ్యాఖ్యలు చేశాడు. సాధారణంగా క్రికెట్లో ఇక రిటైర్మెంట్ ప్రకటించిన ప్రతి ప్లేయర్ కూడా వ్యాఖ్యాతగా మారడం లేదంటే కోచ్ గా అవతారం ఎత్తడం లాంటివి సాంప్రదాయంగా కొనసాగుతూ వస్తుంది. ఇప్పటివరకు ఎంతోమంది ప్లేయర్లు ఇలా క్రికెట్కు వీడ్కోలు పలికిన తర్వాత కోచ్గా అవతారమెత్తి క్రికెట్కి దగ్గరగానే ఉన్నారు.
ఇక ఇటీవల డేవిడ్ వార్నర్ కూడా ఇదే తరహాలో తన మనసులో మాటను బయటపెట్టాడు. భవిష్యత్తులో తనకు కోచ్గా పని చేయాలని ఉంది అంటూ చెప్పుకొచ్చాడు డేవిడ్ వార్నర్. క్రికెట్ నుంచి పూర్తిగా తప్పుకున్న తర్వాత కోచ్ బాధ్యతలు చేపడతాను అంటూ తెలిపాడు. కోచ్గా రాణిస్తానని నమ్మకం నాకు ఉంది అంటూ చెప్పుకొచ్చాడు. ఈ విషయం గురించి ఇప్పటికే నా భార్యకు తెలిపాను. ఆమె కూడా ఈ విషయంపై సానుకూలంగానే స్పందించింది అంటూ తెలిపాడు. కాగా ఇటీవల పాకిస్తాన్ తో చివరి టెస్ట్ మ్యాచ్ తో వార్నర్ టెస్ట్ ఫార్మాట్కు వీడ్కోలు పలికాడు అన్న విషయం తెలిసిందే.