కోహ్లీ డబుల్ రికార్డ్స్.. ఒకటి బెస్ట్.. రెండోది వరస్ట్!
12వేల పరుగుల మైలురాయిని అత్యంత వేగంగా అందుకున్న విరాట్ కోహ్లీ.. ఓ పేలవమైన రికార్డునూ మూటగట్టుకున్నాడు. ఇదే మ్యాచ్లో ఒక్క సెంచరీ కూడా కొట్టని విరాట్.. వన్డేల్లో శతకం చేయకుండానే ఏడాదిని ముగించాడు. దీంతో ఓ ఏడాదిలో ఒక్క వన్డే సెంచరీ కూడా లేకుండా ముగించడం 11 ఏళ్ల తర్వాత అతనికిదే తొలిసారి. 2008లో వన్డే అరంగేట్రం చేసిన విరాట్.. 2009 నుంచి ప్రతి ఏటా కనీసం ఒక సెంచరీ అయినా బాదాడు. 2017, 2018లో ఆరేసి శతకాలు సాధించాడు. కానీ.. ఈ ఏడాది మాత్రం మూడంకెల స్కోరు చేయలేకపోయాడు.
విరాట్కు పరుగుల వీరుడంటూ ఇప్పటికే గొప్ప పేరుంది. క్రికెట్ లోకం మొత్తం అతడిని రన్ మెషీన్ అంటూ ముద్దుగా పిలుచుకుంటోంది. విరాట్ వన్డేల్లో మొదట 1000 పరుగుల మార్క్ను దాటడానికి 24 ఇన్నింగ్స్ తీసుకున్నాడు. 114 ఇన్నింగ్స్ల్లో 5000 మైలురాయిని చేరుకున్నాడు. 10000 వేల మార్క్ను దాటడానికి 205 ఇన్నింగ్స్ తీసుకున్నాడు. ఇక సోమవారం ఆసీస్తో జరిగిన మూడో వన్డేతో 242 వన్డేల్లో బ్యాటింగ్ చేసిన కోహ్లీ 12 వేల పరుగుల మార్క్ను దాటేశాడు.
మళ్లీ.. హాజెల్వుడ్కే..
విరాట్ వరుసగా నాలుగో వన్డేలోనూ ఒకే బౌలర్కు వికెట్ సమర్పించుకున్నాడు. ఈ అరుదైన రికార్డును ఆసీస్ బౌలర్ హాజెల్వుడ్ దక్కించుకున్నాడు. ఈ సిరీ్సలో వరుసగా మూడు వన్డేల్లోనూ విరాట్ను అవుట్ చేసిన హాజెల్వుడ్.. అంతకుముందు బెంగళూరులో జరిగిన చివరి వన్డేలో కోహ్లీ వికెట్ను పడగొట్టాడు.