'అబుదాబి టీ 10' లీగ్ పై కన్నేసిన ఐపీఎల్ కోచ్ లు?
మొదటి సీజన్ లో అంతగా ఎవరికీ తెలియని ఈ లీగ్. రెండవ సీజన్ కు డిమాండ్ బాగా పెరిగింది. ప్రపంచ దేశాల నుండి ఆటగాళ్లు వచ్చి ఇందులో ఆడుతున్నారు. నిన్నటి వరకు 28 మ్యాచ్ లు జరిగాయి. ఈ సీజన్ లో ఇంకా ఏడు మ్యాచ్ లు మాత్రమే మిగిలి ఉన్నాయి. గత సంవత్సరం నికోలస్ పూరం సారథ్యంలో నార్తర్న్ వారియర్స్ టైటిల్ ను గెలుచుకోగా... ఈ సారి కొత్త జట్టు టైటిల్ ను అందుకునే ఛాన్సెస్ ఎక్కవగానే ఉన్నాయి. ఎప్పటిలాగే ఈ లీగ్ లో కూడా వెస్ట్ ఇండీస్ ప్లేయర్స్ తమ దూకుడైన ఆటతీరుతో సెలెక్టర్లు ను ఆకట్టుకుంటున్నారు. ముఖ్యంగా వీరిలో ఇంకా అంతర్జాతీయ మ్యాచ్ లు ఆడని ప్లేయర్స్ ఉండడం గమనార్హం.
వారిలో ఒడియాన్ స్మిత్, డొమినిక్ డ్రేక్స్, షెర్ఫాన్ రూథర్ఫోర్డ్, రోమారియో షెఫర్డ్, కెన్నర్ లూయిస్ లు వారి జట్టులో కీలకముగా నిలుస్తున్నారు. ముఖ్యంగా ఒడియాన్ స్మిత్, డ్రేక్స్, షెపర్డ్ లు అల్ రౌండర్ లు కావడం విశేషం. ఎంతటి స్థితిలో అయినా జట్టును ఆదుకునే ఆటతీరు వీరి సొంతం. భవిష్యత్తులో వారు ఏ జట్టుకు ఆడినా పెద్ద బలం అన్ని చెప్పాలి. అయితే వచ్చే సంవత్సరం జరగనున్న ఐపీఎల్ సీజన్ ౧౫ కు మెగా వేలం జరగనుండగా వీరికి అదృష్టం వారించే అవకాశం లేకపోలేదు. ఐపీఎల్ జట్ల కోచ్ లు సైతం ఈ లీగ్ పై ఒక చూపు వేసి ఉన్నారు. మరి వీరిలో ఎవరు జాక్ పాట్ కొడుతారో చూడాలి.