ఏపీ: ఫ్రీబస్సు ముహూర్తం ఫిక్స్..మంత్రి కీలక ప్రకటన.?
ఆంధ్రప్రదేశ్ ఎన్నికల వేళ కూటమి ఇచ్చిన కీలక హామీల్లో మహిళలకు ఉచిత బస్సు ప్రయాణం కీలకమైనది. ఈ పథకంపై అధ్యయనం కోసం ఏపీ ప్రభుత్వం ఆర్టీసీ అధికారుల్ని తెలంగాణ, కర్ణాటక రాష్ట్రాలకు పంపింది.ఈ మేరకు అక్కడ పథకం అమలుపై ఆరా తీశారు. ఈ మేరకు నివేదికను కూడా సిద్ధం చేసినట్లు తెలుస్తోంది.ఒకవేళ తెలంగాణ, కర్ణాటకల విధానమే ఇక్కడా అమలుచేస్తే.. ఏపీఎస్‌ఆర్టీసీకి నెలకు రూ.250 కోట్ల వరకు భారం పడుతుందని ప్రాథమికంగా అంచనా వేశారు. అయితే రాష్ట్రంలో ఆర్టీసీ బస్సుల్లో ఉచిత ప్రయాణం ఎంత పరిధి వరకు అమలు చేయాలి.ఏయే సర్వీసులకు వర్తింపజేయాలనే అంశంపై ఫోకస్ పెట్టారు.తెలంగాణ, కర్ణాటకలో అమలవుతున్న విధానాన్నే ఏపీలో కూడా అమలు చేస్తారా అన్నది చూడాలి. ఏపీలో కూడా పల్లెవెలుగు, అల్ట్రా పల్లెవెలుగు, ఎక్స్‌ప్రెస్‌ సర్వీసులు ఉన్న సంగతి తెలిసిందే.
అలాగే విజయవాడ, విశాఖపట్నం నగరాల్లో సిటీ ఆర్డినరీ, మెట్రో ఎక్స్‌ప్రెస్‌ సర్వీసులు నడుస్తున్నాయి. అలాగే కొత్త జిల్లాల పరిధిలోపే పరిమితి ఉంటుందా లేదా పాత ఉమ్మడి జిల్లాల పరిధిలో ఉంటుందా? అన్నది చూడాలి. రాష్ట్రమంతా ఎక్కడికైనా ప్రయాణానికి అవకాశం ఇస్తారా అనే అంశాలపై క్లారిటీ రావాల్సి ఉంది.రాష్ట్రంలో ఆర్టీసీ బస్సుల్లో మహిళలకు ఉచిత ప్రయాణం అమలుచేస్తే.. బస్సుల్లో రద్దీ పెరుగుతుందని భావిస్తున్నారు అధికారులు. దీని అనుగుణంగా అదనంగా బస్సులు కొనుగోలు చేయడంతో పాటుగా డ్రైవర్‌ పోస్టులు భర్తీ చేయాల్సి ఉంటుంది. అందుకే ప్రభుత్వం ఆచితూచీ అడగులు వేసింది.. సరిపడా బస్సులు సిద్ధం అయ్యాక, అన్నీ సమకూరిన తర్వాత ఈ పథకం అమలు చేస్తే బాగుంటుందని భావించిందట. సౌకర్యాలు లేకుండా చాలీచాలని బస్సులతో ఇబ్బందులు ఎదురయ్యే అవకాశం ఉండటంతోనే ప్రభుత్వం అమలుపై కొంత ఆలస్యం చేసిందనే టాక్ వినిపిస్తోంది.
ఈ క్రమంలో నిన్న అధికారులతో సమావేశమైనా సీఎం చంద్రబాబు ఉగాది నాటికీ ఈ స్కీం అముల్లోకి తెచ్చేలా పనులు వేగవంతం చేయాలని ఆదేశించిన విషయం తెలిసిందే.ఇదిలావుండగా విజయనగరం జిల్లా పాచిపెంట మండలం పెదచీపురువలసలో జరిగిన కార్యక్రమం లో ఉగాది నుంచి మహిళలకు ఉచిత బస్సు ప్రయాణం కల్పించనున్నట్లు గిరిజన శాఖ మంత్రి గుమ్మడి సంధ్యా రాణి తెలిపారు. ఈ క్రమంలో మగవాళ్లకు ఈ పధకం వర్తించదని నవ్వులు పూయించారు.ఇదిలావుండగా పథకం అమలులో భాగంగా బస్సుల కొరత లేకుండా పటిష్టమైన ఏర్పాట్లు. ఆటో డ్రైవర్లను దృష్టిలో పెట్టుకొని విధి విధానాలు రూపొందించే పనిలో కూటమి ప్రభుత్వం ప్రయత్నిస్తుంది.