సౌత్ ను అస్సలు విడిచిపెట్టనంటున్న జాన్వి.. మరో భారీ మూవీకి స్కెచ్..?
బాలీవుడ్ ఇండస్ట్రీ లో సూపర్ క్రేజ్ కలిగిన యువ నటీమణులలో జాన్వీ ఒకరు. ఇప్పటికే ఈ బ్యూటీ ఎన్నో హిందీ సినిమాలలో నటించి తనకంటూ ఒక మంచి గుర్తింపును సంపాదించుకుంది. ఇది ఇలా ఉంటే జాన్వి ఇప్పటివరకు ఎన్నో హిందీ సినిమాలలో నటించిన అక్కడ భారీ బ్లాక్ బస్టర్ విజయాన్ని మాత్రం అందుకోలేదు. ఇకపోతే తాజాగా ఈ బ్యూటీ టాలీవుడ్ ఇండస్ట్రీ లో స్టార్ హీరో అయినటువంటి జూనియర్ ఎన్టీఆర్ హీరోగా రూపొందిన దేవర పార్ట్ 1 సినిమాలో హీరోయిన్గా నటించింది.
కొరటాల శివ దర్శకత్వంలో రూపొందిన ఈ సినిమా సెప్టెంబర్ 27 వ తేదీన తెలుగు , తమిళ్ , కన్నడ , మలయాళ , హిందీ భాషలలో విడుదల అయ్యి అద్భుతమైన విజయాన్ని అందుకుంది. ఈ మూవీ ఇప్పటికే ఏకంగా 500 కోట్లకు పైగా కలెక్షన్లను కొల్లగొట్టింది. ఈ సినిమాతో జాన్వి కి కెరియర్ లో మొట్ట మొదటి సారి భారీ బ్లాక్ బాస్టర్ విజయం దక్కింది. తెలుగులో తన రెండవ సినిమాగా రామ్ చరణ్ , బుచ్చిబాబు కాంబోలో తెరకెక్కబోయే సినిమాలో హీరోయిన్గా నటించబోతుంది. ఇప్పటికే ఈ సినిమాకు సంబంధించిన అధికారిక ప్రకటన కూడా వచ్చేస్తుంది. ఇది ఇలా ఉంటే ఈ ముద్దు గుమ్మ మరో సౌత్ బ్లాక్ బాస్టర్ మూవీ ని హిందీ లో రీమేక్ చేయాలి అని భావిస్తున్నట్లు తెలుస్తోంది.
కొన్ని సంవత్సరాల క్రితం హిందీ లో ఈరం అనే సినిమా వచ్చిన విషయం మనకు తెలిసిందే. ఆది , సింధు మీనన్ ఈ మూవీ లో ప్రధాన పాత్రలలో నటించారు. 2009 వ సంవత్సరం విడుదల అయిన ఈ సినిమాను తెలుగులో వైశాలి పేరుతో విడుదల చేయగా ఈ మూవీ టాలీవుడ్ బాక్సాఫీస్ దగ్గర కూడా మంచి విజయాన్ని అందుకుంది. ఈ సినిమాను హిందీ లో జాన్వీ కపూర్ తో రూపొందించాలని చూస్తున్నట్లు తెలుస్తుంది.