విజయ్ నెక్స్ట్ మూవీ కోసం పరిశీలనలో ఆ ఇద్దరు బ్యూటీల పేర్లు..?
టాలీవుడ్ ఇండస్ట్రీలో మంచి గుర్తింపును సంపాదించుకున్న యువ నటులలో విజయ్ దేవరకొండ ఒకరు. ఈయన కెరియర్ ప్రారంభంలో కొన్ని సినిమాల్లో చిన్న చిన్న పాత్రలో నటించినప్పటికీ పెళ్లి చూపులు మూవీ తో హీరో గా మంచి గుర్తింపును సంపాదించుకున్నాడు. ఇక ఆ తర్వాత ఈయన అర్జున్ రెడ్డి , టాక్సీ వాలా , గీత గోవిందం సినిమాలతో అద్భుతమైన విజయాలను అందుకొని టాలీవుడ్ ఇండస్ట్రీ లో అద్భుతమైన స్థాయికి చేరుకున్నాడు. ఇక గీత గోవిందం సినిమాతో టాలీవుడ్ ఇండస్ట్రీ లో సూపర్ క్రేజ్ ను సంపాదించుకున్న ఈ నటుడు ఆ తర్వాత మాత్రం వరుస పరాజయాలను ఎదుర్కొంటూ వస్తున్నాడు.
కొంత కాలం క్రితమే ఈయన ది ఫ్యామిలీ మెన్ అనే సినిమాలో హీరోగా నటించాడు. మంచి అంచనాల నడుమ విడుదల అయిన ఈ సినిమా కూడా బాక్స్ ఆఫీస్ దగ్గర ఘోర పరాజయాన్ని ఎదుర్కొంది. ఇక ప్రస్తుతం ఈ నటుడు గౌతమ్ తిన్ననూరి దర్శకత్వంలో రూపొందుతున్న సినిమాలో హీరోగా నటిస్తున్నాడు. ఈ మూవీ "విడి 12" అనే వర్కింగ్ టైటిల్ తో షూటింగ్ ను జరుపుకుంటుంది. ఈ మూవీ షూటింగ్ కొన్ని రోజుల క్రితమే ప్రారంభం అయింది. ప్రస్తుతం ఈ మూవీ మేకర్స్ ఈ చిత్రానికి సంబంధించిన యాక్షన్ ఎపిసోడ్ లను చిత్రీకరిస్తున్నారు. ఈ సినిమాలో విజయ్ సరసన హీరోయిన్ గా తీసుకోవడానికి ఇద్దరు పేర్లను పరిశీలిస్తున్నట్లు తెలుస్తోంది.
ఆ ఇద్దరు మరెవరో కాదు ప్రేమలు సినిమాతో మంచి గుర్తింపును సంపాదించుకున్న మమిత బైజు , ప్రస్తుతం రవితేజ హీరోగా రూపొందుతున్న మిస్టర్ బచ్చన్ మూవీలో హీరోయిన్ గా నటిస్తున్న భాగ్య శ్రీ బోర్స్ ప్రస్తుతం ఈ ఇద్దరిలో ఎవరినో ఒకరిని ఈ సినిమాలో విజయ్ కి జోడిగా తీసుకోవాలని మేకర్స్ అనుకుంటున్నట్లు , అందుకు సంబంధించిన అఫీషియల్ అనౌన్స్మెంట్ కూడా మరికొన్ని రోజుల్లోనే రాబోతున్నట్లు వార్తలు వస్తున్నాయి.