"శ్యామ్ సింగరాయ్": కథే హీరో అని రుజువైంది...
ముందునుండే ట్రైలర్స్, పోస్టర్స్, పాటలు అన్నీ కూడా సినిమాకి మంచి ఇమేజ్ ను తీసుకురాగా సినిమా విడుదల అయ్యాక ప్రేక్షకుల అంచనా తప్పు కాలేదని అర్థమౌతోంది. సినిమా చూసిన ప్రతి ప్రేక్షకుడు సినిమా చాలా అద్భుతంగా ఉందని, అదో కొత్త అనుభూతి అని, సరికొత్త కథనంతో వచ్చిన ఈ సినిమా మాకు బాగా నచ్చిందని అంటున్నారు. కలకత్తా నేపథ్యంలో రూపుదిద్దుకున్న ఈ సినిమాలో నాని రెండు వైవిధ్యభరిత పాత్రలతో మెప్పించారు. ఈ సినిమాలో నాని తన నట విశ్వరూపం చూపించారనే చెప్పాలి. ముఖ్యంగా నాని, సాయి పల్లవితో ఉన్న కథ సన్నివేశాలు సినిమాకి హైలెట్ గా నిలిచాయి.
ఈ కలకత్తా నేపధ్యమే సినిమాని సక్సెస్ దారిలో నడిపించేందుకు వారధిగా నిలిచాయి అని ఆడియన్స్ అంటున్నారు. ఈ చిత్రంతో నాని ఖచ్చితంగా బ్లాక్ బస్టర్ అందుకుంటారనే అంటున్నారు. సినిమా చూసిన వారంతా ఇది పక్కా 100 డేస్ మూవీ అని సూపర్ డూపర్ సక్సెస్ అని చెబుతూ తమ సంతోషాన్ని వ్యక్తపరుస్తున్నారు. ప్రస్తుతానికి ఈ సినిమాపై ఉన్న టాక్ ఇదే... ఇక ఈ రోజు షో లు అన్నీ అయితే ఏ విధమైన టాక్ వస్తుందో చూడాలి...