పవన్ కు షాక్ ఇచ్చిన వెంకీ !
‘గోపాల గోపాల’ సినిమా తరువాత ఎందరో దర్శకులు కధలు వినిపిస్తున్నా తీరికగా ఆకధలు అన్నీ వెంకటేష్ వింటున్నాడు, కానీ తనకు ఎటువంటి కదా నచ్చుతుందో తెలియక ఒక విధమైన అయోమయంలో వెంకటేష్ రోజులు గడుపుతున్నాడు. ఈ పరిస్థితులలో వెంకీని సక్సెస్ ఫుల్ రచయితగా పేరు తెచ్చుకున్న వక్కంతం వంశీ బుట్టలో పడేసాడు అనే వార్తలు విని పిస్తున్నాయి.
ఫిలింనగర్ లో వినపడుతున్న వార్తల ప్రకారం వంశీ వెంకటేష్ కోసం ఓ యాక్షన్ స్టోరీని రెడీ చేసాడని టాక్. ఈ కధలో చాలా రోజుల తరువాత వెంకటేష్ ఒక పవర్ ఫుల్ పోలీస్ ఆఫీసర్ పాత్రలో కనిపిస్తాడట. అయితే ఈ సినిమాను పవన్ వెంకటేష్ లతో ‘గోపాల గోపాల’ తీసిన కిషోర్ కుమార్ పార్థసాని డైరెక్ట్ చేసే అవకాశం ఉందని వార్తలు వస్తున్నాయి.
అయితే టాలీవుడ్ లో డాలీ గా పేరుగాంచిన ఈ డైరెక్టర్ పవన్ దాసరి ల సినిమాకు దర్శకత్వం వహించాలని ఎదురు చూస్తూ ఉంటే అనుకోకుండా ఇప్పుడు వెంకటేష్ నుండి పిలుపు రావడం ఈ దర్శకుడికి షాక్ ఇచ్చింది అని వార్తలు వస్తున్నాయి . ‘గోపాల గోపాల’ ఆడియో వేడుకలో పవన్ డాలీకి తనతో సినిమా చేయడానికి మరో అవకాశం ఇస్తానని బహిరంగంగా ప్రకటించాడు.
దీనితో డాలీ పవన్ పిలుపు కోసం ఎదురు చూస్తున్న నేపధ్యంలో ఇప్పడు వెంకటేష్ నుండి పిలుపు డాలీకి రావడంలో ఈ దర్శకుడు మంచి జోష్ లో ఉన్నట్లు టాక్. 2004లో వచ్చిన ‘ఘర్షణ’ దాదాపు పదేళ్ల తర్వాత విక్టరీ వెంకటేష్ మళ్లీ పోలీసు గెటప్లోకనిపించడానికి ఈసినిమా ద్వారా ప్రయత్నిస్తున్నాడు. ఏది ఏమైనా వెంకటేష్ నిర్ణయం పవన్ కు గట్టి షాక్ ఇస్తుంది అనుకోవాలి..