పావు బాజీ వల్ల.. పోయిన ఐఫోన్ దొరికింది?
ఒక రకంగా చెప్పాలి అంటే ఐఫోన్ ధర సామాన్యులకు అస్సలు అందుబాటులో ఉండదు అని చెప్పాలి. కానీ ఇక అందరూ ఐఫోన్ కొనుగోలు చేయాలని తెగ ఆశ పడుతూ ఉంటారు. ఐఫోన్ తమ దగ్గర ఉంది అంటే చాలు అదొక పెద్ద స్టేటస్ అన్నట్లుగా ఫీల్ అవుతూ ఉంటారు అన్న విషయం తెలిసిందే. అయితే ఎంతో ఇష్టంగా భారీ ధర పెట్టి కొనుగోలు చేసిన ఐఫోన్ పోయిందంటే అందరి గుండె పగిలినంత పని అవుతూ ఉంటుంది. ఆ తర్వాత ఫోను ఎలాగోలా ట్రాక్ చేసి ఎక్కడ ఉందో కనుక్కోవడం చేస్తూ ఉంటారు. అయితే ఇక్కడ ఒక వ్యక్తికి ఇలాంటి చేదు అనుభవం ఎదురయింది. ఎంతో ఇష్టంగా కొనుక్కున్న ఐఫోన్ పోయింది.
దీంతో అతను ఆందోళనలో మునిగిపోయాడు. కానీ పావు బాజీ కారణంగా మళ్ళీ పోయిన ఐఫోన్ దొరికింది అని చెప్పాలి. గోవా టూర్ లో ఒక వ్యక్తికి ఎదురైన విచిత్రమైన ఘటనను అతను సోషల్ మీడియాలో పంచుకున్నాడు. మధ్యం మత్తులో ఒక వ్యక్తి నా ఫోన్ దొంగిలించాడు. ఆ దొంగకి ఆకలి అవడంతో ఒక పావు బాజీ దుకాణానికి వెళ్లి తిన్నాడు. అయితే డబ్బులు లేకపోవడంతో దొంగలించిన ఐఫోన్ ను ఆ షాప్ ఓనర్ కి అమ్మేశాడు. ఇక 36 గంటల తర్వాత ఫోన్ ఆన్ కావడంతో ఇక వెంటనే ఫోన్ పోగొట్టుకున్న కస్టమర్ ఆ ఫోన్ కి కాల్ చేసి అది మా ఫోన్ అని చెప్పడంతో చివరికి ఆ హోటల్ ఓనర్ ఆ ఫోన్ ని అతనికి తిరిగి ఇచ్చేసాడు.