హెలికాప్టర్లతో లక్షలాది దోమలు విడుదల! ఇదేం విడ్డూరం బాసూ?
హెలికాప్టర్ల సాయంతో లక్షలాది దోమలు విడుదల చెయ్యటం ఏంటి? అసలు ఇదేం విడ్డూరం అనుకుంటున్నారా? అయితే ఇప్పుడు చెప్పే స్టోరీ చూడండి.. పూర్తి విషయం మీకే అర్ధం అవుతుంది. అంతరించిపోతున్న జీవజాతులను పరిరక్షించుకునేందుకు అన్ని దేశాలు, స్థానిక ప్రభుత్వాలు ఎంతగానో ప్రయత్నాలు చేస్తూనే ఉన్నాయి.తమ ప్రాంతంలో కనుమరుగయ్యే ప్రమాదమున్న పలు రకాల అరుదైన పక్షులను కాపాడుకునేందుకు అమెరికాలోని హవాయి రాష్ట్రం బ్యాక్టీరియాతో కూడిన లక్షలాది ప్రత్యేక దోమలను విడుదల చేస్తోంది. హెలికాప్టర్ల సాయంతో ఇప్పటికే కోటి దోమలను వదిలినట్లు సమాచారం తెలుస్తుంది. ఎందుకంటే ఎంతో అందమైన హవాయి దీవుల్లో ఇటీవల 33 రకాల పక్షులు అంతరించిపోయినట్లు స్థానిక ప్రభుత్వం గుర్తించింది. ఇంకా మరో 17 రకాలు ముప్పును ఎదుర్కొంటుండగా.. వీటిలో కొన్ని మరో ఏడాదిలోనే కనుమరుగయ్యే ప్రమాదం కూడా ఉంది.
ఉదాహరణకు 'అకికికి' అనే పక్షుల సంఖ్య 2018లో మొత్తం 450 ఉన్నట్లు అంచనా వేయగా.. 2023 నాటికి వాటి సంఖ్య కేవలం ఐదుకు మాత్రమే పడిపోయింది. ఇప్పుడు ఒక్కటి మాత్రమే మిగిలి ఉండొచ్చని సమాచారం తెలుస్తుంది. అయితే ఈ పరిణామంపై పర్యావరణవేత్తల నుంచి తీవ్ర ఆందోళన వ్యక్తమవుతోంది. అక్కడి ప్రభుత్వం ఇప్పటి దాకా కోటి దోమలను వివిధ ప్రదేశాల్లో విడిచిపెట్టినట్లు సమాచారం. హవాయిలో మాత్రమే కనిపించే కొన్ని అరుదైన హనీక్రీపర్స్ మలేరియా ముప్పును ఈజీగా ఎదుర్కొంటున్నాయి. వ్యాధి కారక దోమ కుడితే ఖచ్చితంగా 90 శాతం చనిపోయే ప్రమాదం ఉంది. అయితే మలేరియాను ఎదుర్కొనే రోగ నిరోధక శక్తి వీటికి లేకపోవడమే అందుకు కారణం. అందుకే దీనికి పరిష్కారంగా వోల్బాకియా అనే బ్యాక్టీరియాతో కూడిన మగ దోమలను ఉత్పత్తి చేస్తున్నారు. ఎందుకంటే వీటిని కలిసిన ఆడ దోమలు గుడ్లు పొదగవు. అయితే ఇలా క్రమంగా దోమల సంఖ్యను తగ్గించే ఉద్దేశంతో ఈ సరికొత్త వ్యూహాన్ని అమలు చేస్తున్నారు. దీన్ని ఇన్కంపాటబుల్ ఇన్సెక్ట్ టెక్నిక్ అని అంటారు. యూఎస్ నేషనల్ పార్క్ సర్వీస్ సహాయంతో హవాయి రాష్ట్ర ప్రభుత్వం ఈ ప్రాజెక్టును చేస్తోంది.