వైరల్ : డ్రమ్స్ వాయిస్తున్న కోళ్లు.. వావ్ అంటున్న నెటిజన్లు?
ఇలా వైరల్ గా మారిన వీడియోలలో కొన్ని నవ్వును తెప్పిస్తె.. మరికొన్ని మనసును కదిలిస్తూ ఉంటాయి. ఇంకొన్ని సంభ్రమాశ్చర్యాలకు గురి చేస్తూ ఉంటాయి అన్న విషయం తెలిసిందే. ఇక్కడ ఇలాంటి తరహా వీడియో ఒకటి వైరల్ గా మారిపోయింది. కోళ్ల కు సంబంధించిన వీడియో చూసి ప్రస్తుతం మ్యూజిక్ లవర్స్ అందరూ బాగుంది అంటూ ప్రశంసలు కురిపిస్తున్నారు అనే చెప్పాలి. ఇంతకీ ఈ వీడియోలో ఏముందంటే.. ఇక్కడ ఒక వ్యక్తి అద్భుతమైన ఐడియా తో వినూత్నమైన ప్రయత్నం చేశాడు. తాను పెంచుకుంటున్న కోళ్ళతో సంగీతం క్రియేట్ చేయాలి అని భావించాడు.
అనుకున్నదే తడవుగా ఈ ఐడియా అమలులో పెట్టేసాడు సదరు వ్యక్తి. ఈ క్రమంలోనే ఆ కోళ్ల ముందు రెండు డ్రమ్స్ పెట్టాడు. తరువాత వాటిపైన కోళ్లకు ధాన్యం వేశాడు. ఇక ఆ ధాన్యపు గింజలను చూసిన కోళ్లు ఎంతో ఆనందంతో ఊగిపోయాయ్. దీంతో ఇక అవి ఎప్పటిలాగానే డ్రమ్స్ మీద వేసిన ధాన్యపు గింజలను తినడం మొదలు పెట్టాయి కోళ్లు. ఇలా ధాన్యపు గింజలు తింటూ ఉంటే ఒక అందమైన డ్రమ్స్ సౌండ్ బయటకు వచ్చింది ఇదంతా వీడియో తీసిన సదరు వ్యక్తి సోషల్ మీడియాలో పోస్ట్ చేయడంతో వైరల్ గా మారిపోయింది. ఈ వీడియో చూసిన ఎంతో మంది నెటిజన్లు రకాలుగా స్పందిస్తున్నారు అని చెప్పాలి.