స్టార్ ప్లేయర్లు లేరన్నారు.. కానీ ఇప్పుడు మా దగ్గర టైటిల్ ఉంది?
అయినప్పటికీ ఆటగాడిగా అద్భుతంగా రాణించడమే కాదు ఒకవైపు కెప్టెన్గా కూడా తన వ్యూహాలతో జట్టును ఎంతో సమర్ధవంతంగా ముందుకు నడిపించాడు. ఎక్కడ ఒత్తిడికి లోనుకాకుండా ఎంతో కూల్గా కెప్టెన్సీ చేస్తూ అందరినీ ఆశ్చర్యపరిచాడు అని చెప్పడంలో అతిశయోక్తి లేదు. మెగా వేలంలో గుజరాత్ జట్టులోకి ఆటగాళ్లను తీసుకున్నప్పుడు అందరూ విమర్శలు చేశారు. ఒకరిద్దరు తప్ప పేరుమోసిన బ్యాట్స్మెన్లు గాని బౌలర్లు గాని గుజరాత్ జట్టులో ఎవరూ లేరు. మెగా వేలంలో గుజరాత్ యాజమాన్యం సరైన వ్యూహాలను అమలు చేయలేదు.
ఐపీఎల్ సీజన్ లో గుజరాత్ జట్టు బాగా రాణించడం కష్టమే.. ఇక జట్టులో స్టార్ ప్లేయర్ లేకుండా ఆ జట్టు విజయవంతమైన ప్రస్థానాన్ని కొనసాగించలేదు అంటూ విమర్శలు చేశారు. కానీ హార్దిక్ పాండ్యా ఆ విమర్శలను పట్టించుకోకుండా జట్టుకు అన్నీ తానే ముందుకు నడిపించి టైటిల్ విజేత గా నిలిపాడు అని చెప్పాలీ. ఇటీవల ఇదే విషయంపై మాట్లాడినా హార్థిక్ పాండే ఆసక్తికర వ్యాఖ్యలు చేశాడు. మా జట్టులో స్ట్రాంగ్ బ్యాట్స్మెన్లు లేరు అని ఎంతోమంది అన్నారు. ఇక క్వాలిటీ బౌలర్లు కూడా లేరని క్రిటిక్స్ విమర్శలు చేశారు. కానీ వీటన్నింటినీ అధిగమించి ఇక ఇప్పుడు మా దగ్గర ట్రోఫీ ఉంది అంటూ జట్టుపై విమర్శలు చేసిన వారికి గట్టిగా కౌంటర్ ఇచ్చాడు హార్దిక్ పాండ్యా.