ఇంతకీ ఏ ఐయేఎస్ అధికారి కూతురు ఈ డ్రంకెన్-డ్రైవ్ గీతాంజలి? హై సొసైటీ లో విచ్చలవిడితనం
ఇప్పుడు హై-సొసైటీ అంటే 'తింటం - తాగటం - తిరగటం' అనబడే గాంగ్ గా ప్రసిద్ధి పొందుతుంది. ముఖ్యంగా రాజకీయ నాయకులు, ఉన్నత అధికారులు, సూడో కార్పోరేట్ల సడన్ గా పైకొచ్చిన నడమంత్రపు సిరి గాళ్ళ సంతానం — మరీ ముఖ్యంగా ఈ గాంగ్ లో చేరుతున్న దాఖలాలు కనిపిస్తున్నాయి. వివేకం నశించి - 'మందు విందు పొందు' లతో విచ్చల విడితనం విలాసాలు కులాసాలు చేస్తూ కొన్నిసార్లు తాము బ్రతికేది ఒక నాగరిక సమాజంలో అనేది మరచిపోయి ప్రవర్తిస్తున్నారు.
పదవులు అలంకరించి అధికారంలో ఉన్న తమ పెద్దల మాటున మత్తు, మైకం, ఆపోసిట్-సెక్స్ తో కేళీ విలాసాలు కొనసాగించటం సదా మామూలై పోతోంది.
తాను ఐఏఎస్ అధికారి కుమార్తెనని, నన్నే పట్టుకుంటారా? అని మద్యం మత్తులో ఉన్న గీతాంజలి అనే ఈ మహిళ పోలీసులతో వాగ్వివాదానికి దిగింది. అయితే ఆమె వాదనను వారు పట్టించుకోకుండా, మహిళా పోలీసుల సాయంతో 'బ్రీత్ ఎలైజర్ టెస్ట్' నిర్వహించారు. ఆమె కారును సీజ్ చేశారు. గీతాంజలికి కౌన్సెలింగ్ నిర్వహించి కోర్టులో హాజరు పరుస్తామని వారంటున్నారు.