వార్నీ.. పెంపుడు కుక్క బర్త్ డే కోసం ఇంత ఖర్చా?

praveen
ఇటీవలి కాలంలో పెంపుడు జంతువులను పెంచుకోవటం  అనేది ఒక ఫ్యాషన్ గా మారిపోయింది. కొంతమంది జంతు ప్రేమికులు పెంపుడు జంతువులను ప్రేమతో పెంచుకుంటే ఇంకొంతమంది ట్రెండ్ ఫాలో అవ్వడానికి కుక్కలు, పిల్లులు లాంటి పెంపుడు జంతువులను పెంచుకుంటూ ఉండడం గమనార్హం. అయితే ఇటీవల కాలంలో కొంతమంది అయితే కుక్కలు పిల్లులు లాంటి జంతువుల విషయంలో ఎంతో అమితమైన ప్రేమను చూపిస్తున్నారు. మనుషుల మీద చూపించిన ప్రేమ కంటే ఎక్కువగా పెంపుడు జంతువుల పైన చూపిస్తున్నారు. ఈ క్రమంలోనే ఇటీవల కాలంలో ఇలా పెంచుకుంటున్న కొన్ని జంతువులను ఇంట్లో వాళ్ళ లాగానే భావిస్తూ ఫంక్షన్ లు చేస్తూ ఉండటం గమనార్హం.


 గతంలో ఇలా పెంపుడు జంతువులకు శ్రీమంతం చేసిన వీడియోలు కూడా ఎన్నో సోషల్ మీడియాలో వైరల్ గా మారిపోయాయి. ఇక్కడ ఒక వ్యక్తి తన పెంపుడు జంతువు పుట్టినరోజును ఎంతో ఘనంగా సెలబ్రేట్ చేశాడు. ఈ బర్త్ డే సెలబ్రేషన్స్ కోసం ఏడు లక్షల రూపాయలను ఖర్చు పెట్టాడు సదరు వ్యక్తి.  అహ్మదాబాద్లో ఈ ఘటన వెలుగులోకి వచ్చింది. అబ్బీ అనే పెట్ డాగ్ ను పెంచుకుంటున్నాడు సదరు వ్యక్తి పుట్టినరోజు సందర్భంగా లక్షల రూపాయలు ఖర్చుపెట్టి బర్త్ డే సెలబ్రేషన్స్  చేయడం సోషల్ మీడియాలో హాట్ టాపిక్ గా మారింది.


  దీనికి సంబంధించిన ఫోటోలు వీడియోలు సోషల్ మీడియాలో వైరల్ గా మారిపోతున్నాయి. అయితే అహ్మదాబాద్లోని నికోల్ అనే యువకుడు తన పెంపుడు కుక్క పుట్టిన రోజు వేడుకల కోసం మధుబన్ గ్రీన్ వద్ద ఒక భారీ ఫ్లాట్ బుక్ చేశాడు. ఆ ప్రాంతంలో అదిరిపోయే డెకరేషన్స్ చేసి కటౌట్ ఏర్పాటు చేసి పెద్ద సంఖ్యలో అతిథులను పిలిచి పుట్టినరోజును ఘనంగా జరిపారు.. ఆ పెంపుడు కుక్క ఏకంగా స్కార్ఫ్ ధరించి ఫోటోలకు ఫోజులు ఇవ్వడం హాట్ టాపిక్ గా మారిపోయింది. ఇక దీని కోసం 520 డ్రోన్ కెమెరా లో అద్దెకు తీసుకున్నాడు సదరు వ్యక్తి.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

సంబంధిత వార్తలు: