ఆ విషయంలో... చైనాని నిలదీసిన అమెరికా?
ప్రపంచ దేశాలు అన్ని కూడా ఒక తాటిపైకి వచ్చి పర్యావరణ పరిరక్షణ కోసం పోరాటానికి ప్రస్తుతం ప్రపంచ పెద్దన్న అమెరికా ప్రాతినిధ్యం వహిస్తోంది. ఈ క్రమంలోనే ప్రస్తుతం ప్రపంచ దేశాలు కాలుష్య నివారణ పై ఎంతో సీరియస్గానే దృష్టి పెట్టినట్లు తెలుస్తోంది. ఈ క్రమంలోనే ప్రపంచ దేశాలన్నీ కలిసి కాలుష్య నివారణ కోసం తీసుకోవలసిన చర్యలపై చర్చలు జరిపేందుకు ఇటీవలే కాప్ 20 పేరుతో సమావేశం నిర్వహించారు. అయితే ఈ సమావేశానికి చైనా, రష్యా లాంటి దేశాలు డుమ్మా కొట్టడం గమనార్హం. అయితే చైనాలో బొగ్గు ఉత్పత్తి ఎక్కువగా ఉండడం అంతే కాకుండా 80 శాతం కరెంటు బొగ్గు నుండే ఉత్పత్తి చేస్తూ ఉండటం జరుగుతూ ఉంటుంది. అటు రష్యా లో కూడా ఇలాంటి పరిస్థితి నెలకొంటోంది.
పర్యావరణ కాలుష్యానికి ఎక్కువగా కారకాలుగా మారుతున్న రెండు దేశాలు కాలుష్య నివారణ కోసం తీసుకోవాల్సిన చర్యలపై నిర్వహించిన సమావేశంలో పాల్గొనకపోవడం పై ప్రపంచ దేశాల పెద్దన్న అమెరికా మాత్రం ఆగ్రహం వ్యక్తం చేసింది. కాలుష్య నివారణ పట్ల చైనా రష్యా దేశాలకు చిత్తశుద్ధి లేదు అంటూ ఆగ్రహం వ్యక్తం చేసింది అమెరికా. కాలుష్య నివారణలో ప్రతి దేశం పాలు పంచుకోవాలి కానీ ప్రపంచం ఒక వైపు వెళ్తుంటే.. ఈ రెండు దేశాలు మాత్రం మరో విధంగా లబ్ధి పొందాలి అని ప్రపంచం నుంచి వేరు పడటం సరి కాదు అంటూ అమెరికా స్టేట్మెంట్ ఇవ్వడం గమనార్హం.