ఈ మధ్యకాలంలో థియేటర్లలో రిలీజ్ అయ్యే సినిమాల కన్నా.. రీరిలీజ్ అయ్యే సినిమాలే ఎక్కువ ఉన్నాయి. హిట్ తో సంబంధం లేకుండా మంచి టాక్ ని సొంతం చేసుకున్న సినిమాలు సైతం మరోసారి రీరిలీజ్ అయ్యి సూపర్ హిట్ కొడుతున్నాయి. ఈ క్రమంలో ఇప్పటికే ఓయ్, 7G బృందావన కాలనీ, ఆరెంజ్, గబ్బర్ సింగ్, మురారి, ఇంద్ర, భద్రి, త్రీ, లీడర్, హ్యాపీ డేస్ సినిమాలు రీరిలీజ్ అయ్యి మంచి హిట్ టాక్ తో పాటు కలక్షన్స్ కూడా బాగానే సొంతం చేసుకున్నాయి. సినిమాలతో సమానంగా రీరిలీజ్ అయ్యే సినిమాల మీద కూడా ప్రేక్షకుల్లో ఆసక్తి కనిపిస్తుంది. ఈ క్రమంలో త్వరలో మరికొన్ని సినిమాలు రీరిలీజ్ కి సిద్ధంగా ఉన్నాయి. అయితే ఇప్పటికే పలు సినిమాలు రీరిలీజ్ అయ్యాయి. మరోసారి బ్లాక్ బస్టర్ హిట్ కొట్టాయి.
ఇక ఈ రీరిలీజ్ మూవీస్ తో మూవీ లవర్స్ కు పండగే పండగ అనే చెప్పాల్సిందే. ఎందుకంటే మంచి మంచి ఫీల్ గుడ్ మూవీస్ రీరిలీజ్ అవ్వనున్నాయి. ఇదిలా ఉండగా.. డైరెక్టర్ శేఖర్ కమ్ముల దర్శకత్వంలో వచ్చిన గోదావరి మూవీ ఉన్న క్రేజ్ గురించి చెప్పాల్సిన పనిలేదు. ఈ సినిమా ఒక్క మంచి ఫీల్ గుడ్ మూవీ. ఈ మూవీ రీరిలీజ్ కోసం చాలా మంది అభిమానులు ఎదురుచూస్తున్నారు. అప్పట్లో ఈ సినిమా ఫ్లాప్ అయింది కానీ ఇప్పుడు మాత్రం మంచి హిట్ కొడుతుంది. గోదావరి అందాలను తెరపైన చక్కగా చూపిస్తూ ఈయన తీసిన సినిమా గోదావరి. ఈ సినిమాలో ముఖ్య పాత్రలలో హీరో సుమంత్, హీరోయిన్ కమలిని ముఖర్జీ నటించారు.
ఈ సినిమా చూసినంత సేపు ఒక మంచి అనుభూతి కలుగుతుంది. అయితే ఈ సినిమా మార్చి 1న రీరిలీజ్ అవ్వనున్నట్లు మూవీ మేకర్స్ ప్రకటించారు. కానీ కొన్ని కారణాల వల్ల ఈ సినిమా అనుకున్న తేదీకి రీరిలీజ్ అవ్వలేదు. గోదావరి సినిమా రీరిలీజ్ కి సంబంధించిన తేదీ ఇంకా ప్రకటించలేదు. కానీ సినిమా త్వరలో రీరిలీజ్ చేయనున్నట్లు టాక్ వినిపిస్తుంది. ఈ సినిమా కోసం వేచి చూసిన అభిమానులందరూ ఎంతో డీలా పడిపోయారు.