రాబిన్ హుడ్ : ఐటమ్ సాంగ్లో రొమాంటిక్ బ్యూటీ.. సినిమాకి ఫుల్ గా ప్లస్ కానుందా..?
టాలీవుడ్ యువ నటుడు నితిన్ ప్రస్తుతం రాబిన్ హుడ్ అనే సినిమాలో హీరోగా నటిస్తున్న విషయం మన అందరికీ తెలిసిందే. ఈ సినిమాలో శ్రీ లీల హీరోయిన్గా నటిస్తుండగా ... వెంకీ కుడుమల ఈ మూవీ కి దర్శకత్వం వహిస్తున్నాడు. గతంలో నితిన్ , వెంకి కుడుముల కాంబోలో భీష్మ అనే మూవీ వచ్చింది. ఈ మూవీ మంచి విజయాన్ని అందుకుంది. ఈ సినిమా తర్వాత నితిన్ నటించిన ఏ సినిమా కూడా బాక్స్ ఆఫీస్ దగ్గర పెద్ద స్థాయి విజయాన్ని అందుకోలేదు. ఇక ఇప్పటికే వీరి కాంబోలో భీష్మ మూవీ రూపొంది మంచి విజయాన్ని సాధించి ఉండడంతో రాబిన్ హుడ్ మూవీ పై ప్రేక్షకుల్లో మంచి అంచనాలు ఉన్నాయి.
ఇకపోతే ఈ సినిమాకు జీ వీ ప్రకాష్ కుమార్ సంగీతం అందిస్తూ ఉండగా .. మైత్రి సంస్థ వారు ఈ మూవీ ని నిర్మిస్తున్నారు. ఈ సినిమాను డిసెంబర్ 25 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో నిన్న ఈ సినిమా బృందం పాత్రికేయుల సమావేశాన్ని ఏర్పాటు చేసింది. అందులో భాగంగా ఈ సినిమా దర్శకుడు అయినటువంటి వెంకీ కుడుముల ఈ మూవీ లోని స్పెషల్ సాంగ్ కి సంబంధించిన కొన్ని ఇంట్రెస్టింగ్ వివరాలను తెలియజేశాడు. ఈయన ఈ మూవీలోని స్పెషల్ సాంగ్ గురించి మాట్లాడుతూ ... కేతిక శర్మ ఈ సినిమాలో స్పెషల్ సాంగ్ చేసింది. ఈ సాంగ్ మొత్తం స్పెషల్ సాంగ్ మాదిరిగా ఉండదు. ఇందులో సగ భాగం స్పెషల్ సాంగ్ ఉంటే మరో సగ భాగం హీరో , హీరోయిన్స్ డాన్స్ ఉంటుంది.
యూనిట్ అంతా కలిసి డిస్కస్ చేసుకొని ఆ సాంగ్ ను ఎప్పుడు విడుదల చేయబోతున్నాం అనే దాన్ని ప్రకటిస్తాం అని వెంకీ చెప్పుకొచ్చాడు. ఇకపోతే కేతికా శర్మ "రొమాంటిక్" అనే సినిమాతో తెలుగు తెరకు పరిచయమయ్యింది. ఈ మూవీ తర్వాత ఈమె చాలా సినిమాలలో నటించిన ఈమెకు సాలిడ్ విజయం మాత్రం ఇప్పటివరకు దక్కలేదు. కానీ ఈమె సినిమాల్లో తన అందాలతో ప్రేక్షకులను భాగానే ఆకట్టుకుంటుంది.