ఆ సినిమాను ప్రెస్టేజ్ గా తీసుకున్న దేవిశ్రీ.. ఈ సారైనా దుమ్మురేపుతాడా...?
టాలీవుడ్ రాక్ స్టార్ దేవిశ్రీ ప్రసాద్ గురించి ప్రత్యేకంగా చెప్పాల్సిన పని లేదు.. టాలీవుడ్ లో ఎన్నో సూపర్ హిట్ సినిమాలకు మ్యూజిక్ అందించి టాలీవుడ్ టాప్ మ్యూజిక్ డైరెక్టర్ గా పేరు పొందాడు..ఎంతో మంది స్టార్ హీరోలకు దేవిశ్రీ తన మ్యూజిక్ తో మాసివ్ హిట్స్ అందించాడు.. అయితే టాలీవుడ్ లో చాలా మంది దర్శకులకు ఆస్థాన మ్యూజిక్ డైరెక్టర్ లు వుంటారు.. రాజమౌళికి కీరవాణి, శంకర్ కు రెహమాన్ అలా టాలీవుడ్ క్రియేటివ్ డైరెక్టర్ సుకుమార్ కు దేవిశ్రీ ఆస్థాన మ్యూజిక్ డైరెక్టర్ గా వున్నారు.. సుకుమార్ తన మొదటి మూవీ ఆర్య నుంచి దేవిశ్రీతో మంచి బాండింగ్ ఏర్పరుచుకున్నారు.. ఇద్దరూ మంచి స్నేహితులన్న విషయం అందరికి తెలిసిందే.. దేవిశ్రీ కూడా సుకుమార్ సినిమాలకు రొటీన్ కు భిన్నంగా మ్యూజిక్ అందిస్తూ ఉంటాడు.. వీరి కాంబోలో చాలా వరకు మ్యూజికల్ హిట్స్ వచ్చాయి..సుకుమార్ సినిమాలో ముఖ్యంగా ఐటమ్ సాంగ్స్ చాలా ఫేమస్.. తన ప్రతి సినిమాలో ఒక స్పెషల్ సాంగ్ పెట్టడం సుకుమార్ కి అలవాటు.. ఆ సాంగ్ కోసం దేవిశ్రీ స్పెషల్ గా మ్యూజిక్ అందిస్తాడు..ఇప్పటి వరకు వీరి కాంబోలో వచ్చిన ఐటమ్ సాంగ్స్ ప్రేక్షకులను విపరీతంగా ఆకట్టుకున్నాయి..
ఇటీవల వీరి కాంబోలో తెరకెక్కిన పుష్ప సినిమా ఎంతటి ఘనవిజయం సాధించిందో ప్రత్యేకంగా చెప్పాల్సిన పని లేదు. ఈ సినిమా కోసం దేవిశ్రీ ఇచ్చిన మ్యూజిక్ ప్రపంచవ్యాప్తంగా సూపర్ రెస్పాన్స్ లభించింది.. అంతేకాదు పుష్ప సినిమాకు గాను దేవిశ్రీకి నేషనల్ అవార్డు కూడా లభించింది..అయితే రీసెంట్ గా తెరకెక్కుతున్న పుష్ప 2 కూడా దేవిశ్రీ మ్యూజిక్ అందిస్తున్నాడు.. ఇప్పటికే ఈ సినిమా నుండి రిలీజ్ అయిన రెండు సాంగ్స్ చార్ట్ బస్టర్స్ గా నిలిచాయి.. ఈ సినిమాను మేకర్స్ డిసెంబర్ 5 న గ్రాండ్ గా రిలీజ్ చేయనున్నారు.. సినిమా రిలీజ్ సమయంలో తాజాగా ఈ సినిమాకు సంబంధించి ఓ న్యూస్ తెగ వైరల్ అవుతుంది.. ఈ సినిమాకు దేవిశ్రీ ఇచ్చిన బ్యాక్గ్రౌండ్ మ్యూజిక్ అంతా ఆసక్తికరంగా లేకపోవడంతో మేకర్స్ ఈ సినిమా బ్యాక్గ్రౌండ్ మ్యూజిక్ కి దేవిశ్రీనీ కాదని స్టార్ మ్యూజిక్ డైరెక్టర్ తమన్ నీ తీసుకోనున్నట్లు వార్తలు వస్తున్నాయి.. దేవిశ్రీకి తెలుగులో సినిమాలు తగ్గిపోయాయి.. ఇప్పుడు పుష్ప 2 నుంచి కూడా వైదోలగడంతో దేవిశ్రీకి పరిస్థితి వేరేలా వుంది.. ప్రస్తుతం దేవిశ్రీ మ్యూజిక్ అందిస్తున్న బిగ్ మూవీ తమిళ్ స్టార్ హీరో సూర్య నటించిన “కంగువా”..ఈసినిమా నవంబర్ 14 న రిలీజ్ కానుంది.. ఈ సినిమా బ్లాక్ బస్టర్ హిట్ అయితే దేవిశ్రీకి వరుస అవకాశాలు వస్తాయి.. దీనితో దేవిశ్రీ కెరీర్ కి కంగువా ఎంతో ముఖ్యం అని తెలుస్తుంది..