సింధూర పువ్వు హీరోయిన్ నిరోషా: అప్పుడు అందంగా.. ఇప్పుడు మరింత అందంగా!
తెలుగు సినీ ప్రేమికులకు సింధూర పువ్వు సినిమా అంటే ప్రత్యేకమైన అనుబంధం. ఆ సినిమాలోని హీరోయిన్ నిరోషా అందం అప్పట్లో ఎంత మంత్రముగ్ధులను చేసిందో ప్రత్యేకంగా చెప్పనక్కర్లేదు. నిరోషా తమిళ సినిమా పరిశ్రమలో మంచి గుర్తింపు తెచ్చుకున్నారు. మణిరత్నం దర్శకత్వంలో వచ్చిన 'అగ్ని నక్షత్రం' సినిమాతో తెలుగు ప్రేక్షకులకు పరిచయమయ్యారు. ఆ తర్వాత 'సింధూర పువ్వు' సినిమా ఆమె కెరీర్‌లో మరో మైలురాయిగా నిలిచింది. సింధూర పువ్వు చిత్రంతో తెలుగు తెరకు పరిచయమైన నిరోషా, విజయ కాంత్‌ తో జోడిగా నటించింది. ఆమె అందం, నటనకు ప్రేక్షకులు ఫిదా అయ్యారు. "తేనే చిందించరావా" పాట అప్పట్లో యూత్‌ ను ఉర్రూతలూగించింది.
ఈ సినిమాతో నిరోషాకు వరుస ఆఫర్లు వచ్చాయి. సినిమాలతో పాటు, తెలుగు, తమిళ సీరియల్స్‌లో కూడా నటించి ప్రేక్షకులను అలరిస్తున్నారు. ఇకపోతే నిరోషా కేవలం కథానాయిక పాత్రలకే పరిమితం కాలేదు. అసాధ్యుడు, ఒక ఊరిలో లాంటి సినిమాలలో నెగటివ్ షేడ్స్ ఉన్న పాత్రలు చేసి మెప్పించింది. తన నటనతో ఎప్పుడూ ప్రయోగాలు చేయడానికి ఇష్టపడే నిరోషా ప్రేక్షకులను ఆశ్చర్యపరుస్తూనే ఉండేది. సింధూర పువ్వు సినిమా లో తనతో కలిసి నటించిన హీరో రాంకీనే ప్రేమించి పెళ్లాడింది నిరోషా. పెళ్లి తర్వాత కొంత గ్యాప్ తీసుకున్న ఆమె అప్పుడప్పుడు కొన్ని సినిమాలలో యాక్ట్ చేస్తోంది. అలాగే తెలుగులో కొన్ని సీరియల్స్ లోనూ నటించింది.
సుడిగుండాలు, మనసు గీసిన బొమ్మ, నందిని, ఇది కథ కాదు, జనని, మనసా కవ్వించకే, తల్లి ప్రేమ, కథ కాని కథ, మావి డాకులు తదితర సీరియల్స్ తో తెలుగు బుల్లితెర ఆడియెన్స్ కు చేరువైందీ ఈ అమ్మడు. ప్రస్తుతం ఆమె తన కుటుంబంతో సంతోషంగా ఉంది. కానీ నిరోషా తన ఇన్‌స్టాగ్రామ్ ద్వారా తన ఫ్యాన్స్‌తో ఎప్పటికప్పుడు కనెక్ట్ అవుతూ ఉంటారు. తాజా ఫోటోలు, వీడియోలను పంచుకుంటూ వారితో ముచ్చటిస్తుంటారు. ఆమె ఫోటోలకు ఫ్యాన్స్‌ నుండి భారీ స్పందన లభిస్తుంది. వయసుతో పాటు నిరోషా అందం మరింత పెరిగిందని చెప్పవచ్చు. ఆమె తాజా ఫోటోలను చూసిన నెటిజన్లు ఆశ్చర్యపోతున్నారు. అంతేకాకుండా ఆమె అందం ఎప్పటిలాగే అలానే ఉందని కామెంట్లు చేస్తున్నారు.