"ప్రేమ కథ చిత్రం" రీ రిలీస్ తేదీ వచ్చేసింది..!
తెలుగు పరిశ్రమలో తనకంటూ మంచి గుర్తింపును సంపాదించుకున్న నటలలో ఒకరు అయినటువంటి సుధీర్ బాబు కెరియర్ లో అద్భుతమైన విజయం సాధించిన సినిమాలలో ప్రేమ కథ చిత్రం ఒకటి. ఈ మూవీ తర్వాత ఈయన ఎన్నో సినిమాలలో నటించిన ఏ చిత్రం కూడా ఈ స్థాయి విజయాన్ని ఇప్పటి వరకు సుధీర్ బాబు కెరియర్ లో అందుకోలేదు. ఈ మూవీ లో నందిత హీరోయిన్ గా నటించగా ... ప్రభాకర్ రెడ్డి ఈ మూవీ కి దర్శకత్వం వహించాడు.
టాలీవుడ్ ప్రముఖ దర్శకుడు మారుతి ఈ సినిమాకు నిర్మాతగా వ్యవహరించాడు. హర్రర్ , కామెడీ జోనర్ లో రూపొందిన ఈ సినిమా అద్భుతమైన విజయం అందుకోవడం మాత్రమే కాకుండా సూపర్ సాలిడ్ కలెక్షన్లను రాబట్టింది. ఇకపోతే బాక్స్ ఆఫీస్ దగ్గర మంచి విజయం సాధించి మంచి కలెక్షన్లను రాబట్టిన ఈ సినిమాను తిరిగి థియేటర్లలో రీ రిలీస్ చేయబోతున్నారు. అందుకు సంబంధించిన అధికారిక ప్రకటనలను కొన్ని రోజుల క్రితమే మేకర్స్ విడుదల చేశారు.
ఇక తాజాగా ఈ మూవీ ని ఏ తేదీన రీ రిలీజ్ చేయబోతున్నారు అనే విషయాన్ని మేకర్స్ అధికారికంగా ప్రకటించారు. ఈ మూవీ ని జూన్ 21 వ తేదీన థియేటర్లలో మళ్ళీ రీ రిలీజ్ చేయనున్నట్లు మేకర్స్ అధికారికంగా ప్రకటిస్తూ ఓ పోస్టర్ ను కూడా విడుదల చేశారు. ప్రస్తుతం ఆ పోస్టర్ వైరల్ అవుతుంది. మరి ప్రస్తుతం తెలుగు లో రీ రిలీజ్ లా ట్రెండ్ గొరుగా కొనసాగుతుంది. మరి ప్రేమ కథ చిత్రం రీ రిలీస్ లో భాగంగా ఎలాంటి ఇంపాక్ట్ ను చూపిస్తుందో తెలియాలి అంటే జూన్ 21 వ తేదీ వరకు వేచి చూడాల్సిందే. ఈ మూవీ లో సప్తగిరి ముఖ్యపాత్రలో నటించాడు. ఈయన ఈ సినిమాలో తన నటనతో ప్రేక్షకులను ఎంతగానో నవ్వించాడు.