"రవితేజ 75" ఆ తేదీన రెగ్యులర్ షూట్ స్టార్ట్..?
మాస్ మహారాజ రవితేజ ఈ మధ్య కాలంలో వరుస సినిమాలతో ప్రేక్షకుల ముందుకు వస్తున్న సరైన విజయం మాత్రం అందుకోలేకపోతున్నాడు. పోయిన సంవత్సరం దసరా పండుగ సందర్భంగా రవితేజ "టైగర్ నాగేశ్వరరావు" అనే సినిమాతో ప్రేక్షకుల ముందుకు వచ్చాడు. ఈ మూవీ భారీ అంచనాల నడుమ థియేటర్లలో విడుదల అయింది. కానీ బాక్స్ ఆఫీస్ దగ్గర యావరేజ్ మూవీ గా మిగిలిపోయింది. ఇక కొంత కాలం క్రితం రవితేజ "ఈగల్" అనే మూవీ తో ప్రేక్షకుల ముందుకు వచ్చాడు. ఈ సినిమాతో రవితేజ భారీ విజయాన్ని అందుకుంటాడు అని ఆయన అభిమానులు అనుకున్నారు.
కానీ ఈ సినిమా కూడా బాక్స్ ఆఫీస్ దగ్గర రవితేజకు , ఆయన అభిమానులకు నిరాశనే మిగిల్చింది. ఇక ప్రస్తుతం రవితేజ , హరీష్ శంకర్ దర్శకత్వంలో రూపొందుతున్న మిస్టర్ బచ్చన్ అనే మూవీ లో హీరో గా నటిస్తున్నాడు. ఈ సినిమా సెట్స్ పై ఉండగానే రవితేజ , భాను భోగవరపు దర్శకత్వంలో ఓ మూవీ చేయడానికి గ్రీన్ సిగ్నల్ ఇచ్చాడు. ఇకపోతే ఈ సినిమా రవితేజ కెరియర్ లో 75 వ మూవీ గా రూపొందబోతుంది.
తాజాగా ఈ మూవీ కి సంబంధించిన ఒక లేటెస్ట్ న్యూస్ బయటకు వచ్చింది. ఆ వార్త ప్రకారం ఈ మూవీ నీ ఈ మూవీ ఈ నెల 11 వ తేదీన పూజా కార్యక్రమాలతో స్టార్ట్ కాబోతున్నట్లు , అదే తేదీన ఈ మూవీ రెగ్యులర్ షూటింగ్ ను కూడా మేకర్స్ మొదలు పెట్టబోతున్నట్లు తెలుస్తోంది. ఇకపోతే ఈ సినిమాలో ఇప్పటికే యంగ్ బ్యూటీ శ్రీ లీల ను హీరోయిన్ గా ఎంపిక చేసుకున్నట్లు తెలుస్తోంది. గతంలోనే రవితేజ , శ్రీ లీల కాంబో లో ధమాకా అనే మూవీ వచ్చింది. ఈ మూవీ సూపర్ సక్సెస్ అయింది. ఈ జంటకు కూడా మంచి గుర్తింపు ఈ మూవీ ద్వారా లభించింది.