5 రోజుల్లో "లవ్ మీ" కలెక్షన్స్ ఇవే... హిట్ అనిపించుకోవాలి అంటే ఇంకా అన్ని కోట్లు రాబట్టాల్సిందే..?
టాలీవుడ్ యువ నటుడు ఆశిష్ రెడ్డి తాజాగా లవ్ మీ అనే సినిమాలో హీరో గా నటించాడు. ఈ మూవీ లో బేబీ ఫేమ్ వైష్ణవి చైతన్య హీరోయిన్ గా నటించింది. ఈ సినిమా మే 25 వ తేదీన భారీ ఎత్తున థియేటర్ లలో విడుదల అయింది. మంచి అంచనాల నడుమ థియేటర్ లలో విడుదల అయిన ఈ సినిమా బాక్స్ ఆఫీస్ దగ్గర విడుదల అయిన మొదటి రోజు మొదటి షో కే నెగటివ్ టాక్ ను తెచ్చుకుంది. దానితో ఈ సినిమాకి మొదటి రెండు , మూడు రోజులు మంచి కలెక్షన్ లు వచ్చినప్పటికీ ఆ తర్వాత మాత్రం ఈ సినిమా కలెక్షన్ లలో భారీ డ్రాప్ కనిపించింది.
దానితో ఈ మూవీ బ్రేక్ ఈవెన్ ఫార్ములాను కంప్లీట్ చేసుకోవడం కష్టంగానే కనిపిస్తుంది. ఇక ఇప్పటి వరకు ఈ సినిమా 5 రోజుల బాక్స్ ఆఫీస్ రన్ ను కంప్లీట్ చేసుకుంది. ఈ 5 రోజుల్లో ఈ సినిమా ఎన్ని కోట్ల కలెక్షన్ లను సాధించింది. ఇంకా ఎన్ని కోట్ల కలెక్షన్ లను సాధిస్తే ఈ మూవీ హిట్ స్టేటస్ ను అందుకుంటుంది అనే వివరాలను తెలుసుకుందాం. ఈ మూవీ కి 5 రోజుల్లో నైజాం ఏరియాలో 90 లక్షల కలెక్షన్ లు దక్కగా , ఆంధ్ర ప్రదేశ్ లో 1.04 కోట్ల కలెక్షన్ లు దక్కాయి. మొత్తంగా ఈ మూవీ కి రెండు తెలుగు రాష్ట్రాల్లో కలిపి 1.94 కోట్ల షేర్ ... 4.5 కోట్ల గ్రాస్ కలెక్షన్ లు దక్కాయి.
ఇకపోతే ఈ మూవీ కి కర్ణాటక , రెస్ట్ ఆఫ్ ఇండియా మరియు ఓవర్ సీస్ లో కలుపుకొని 5 రోజుల్లో 31 లక్షల కలెక్షన్ లు దక్కాయి. మొత్తంగా ఈ సినిమాకి వరల్డ్ వైడ్ గా 5 రోజుల్లో 2.25 కోట్ల షేర్ ... 4.48 కోట్ల గ్రాస్ కలెక్షన్ లు దక్కాయి. ఈ సినిమాకి ప్రపంచ వ్యాప్తంగా 6 కోట్ల ప్రీ రిలీజ్ బిజినెస్ జరగగా ... ఈ మూవీ మరో 3.75 కోట్ల స్థాయి షేర్ కలక్షన్ లను వసూలు చేస్తే బ్రేక్ ఈవెన్ ఫార్ములా ను కంప్లీట్ చేసుకుని హిట్ స్టేటస్ ను అందుకుంటుంది.