ప్రవీణ్తో బ్రేకప్పై స్పందించిన ఫైమా..!!
కేవలం పటాస్, జబర్దస్త్ లలో మాత్రమే కాకుండా పైమా ఓ యూట్యూబ్ ఛానెల్ కూడా ప్రవీణ్ తో లవ్ ట్రాక్ నడిపింది. అదే కాకుండా సుమన్ టీవీ వాళ్లు చేసిన ఓ ఇంటర్వ్యూలో కూడా వీరిద్దరి ప్రేమ గురించి వివరించారు. ఇలా వీరిద్దరూ నిజమైనే ప్రేమికులే అని అంతా తెలుసుకున్నారు. ఇక ఫైమా తన యూట్యూబ్ ఛానెల్ ద్వారా కూడా ప్రవీణ్ తో తన జర్నీ గురించి వివరించింది. ఈక్రమంలోనే ఈ ముద్దుగుమ్మ బిగ్ బాస్ 6కు ఎంపికై అక్కడకు వెళ్లింది.అద్భుతమైన ఆట తీరుతో అందరి మనసు గెలుచుకున్న ఈమె చాలా రోజుల పాటు బిగ్ బాస్ షోలో కొనసాగింది. అయితే బయటకు వచ్చిన తర్వాతన నుంచి మాత్రం ప్రవీణ్ తో కలిసి కనిపించలేదు. అలాగే తన యూట్యూబ్ ఛానెల్ లో కూడా వీడియోలు పెట్టలేదు. ఇదే విషయం అందరూ అడగ్గా.. ప్రవీణ్ పై ప్రేమ లేదని.. ప్రజల్ని అబద్ధాలు చెప్పి మోసం చేయడం ఇష్టలేకే కలిసి కనిపింట్లేదంటూ అప్పట్లో చెప్పింది. కానీ కానీ తాజాగా ఓ ఇంటర్వ్యూలో పాల్గొన్న ఈమె షాకింగ్ కామెంట్లు చేసింది. తాము నిజమైన ప్రేమికులు కాదని ముందు చెప్పినా... ఆ తర్వాత మాత్రం తమ మధ్య బంధం ఉందని చెప్పింది.అయితే దాని గురించి సమయం వచ్చినప్పుడు మాత్రమే చెబుతానని.. ఇప్పుడే ఏమీ మాట్లడలేనని వివరించింది. వీరిద్దరి మధ్య ఏదో పర్సనల్ గొడవ జరిగినట్లు ఈమె మాటలు వింటుంటే అర్థం అవుతుంది. ముఖ్యంగా ప్రేమించుకుంటున్నామంటూ కలిసి ఓ ఇంటర్వ్యూలో కూడా పాల్గొన్నారు కదా అని యాంకర్ అడగ్గా.. అవునని, మిగతా జంటలు కూడా అలా చేశాయి కదా అంటూ చెప్పుకొచ్చింది. వారి గురించి కాదు నువ్వు చెప్పంటూ అనగా.. మా మధ్య బంధం ఉందని వివరించింది. అయితే మరి పెళ్లెప్పుడని యాంకర్ ప్రశ్నించగా.. ఇప్పుడే చెప్పలేమని.. మా పెళ్లి ఆ దేవుడి చేతిలోనే ఉందంటూ క్లారిటీ ఇచ్చింది.