ఆ డిజాస్టర్ మూవీ బ్యాక్ డ్రాప్ లో మరో మూవీ చేయనున్న విజయ్ దేవరకొండ..?
ప్రస్తుతం తెలుగు సినీ పరిశ్రమలో సూపర్ క్రేజ్ కలిగిన యువ హీరోలలో విజయ్ దేవరకొండ ఒకరు. ఈయన పెళ్లి చూపులు , అర్జున్ రెడ్డి , టాక్సీవాలా , గీత గోవిందం సినిమాల విజయాలతో తెలుగు సినీ పరిశ్రమలో అద్భుతమైన స్థాయికి చేరుకున్నాడు. ఇక ఆ తర్వాత నుండి ఈయన నోట , వరల్డ్ ఫేమస్ లవర్ , డియర్ కామ్రేడ్ , లైగర్ , ఖుషి తాజాగా ది ఫ్యామిలీ మెన్ సినిమాలతో వరుసగా 6 అపజయాలను అందుకొని బాక్స్ ఆఫీస్ దగ్గర డిలా పడిపోయాడు. ప్రస్తుతం విజయ్ , గౌతమ్ తిన్ననూరి దర్శకత్వంలో సీతారా ఎంటర్టైన్మెంట్ బ్యానర్ లో రూపొందుతున్న సినిమాలో హీరోగా నటిస్తున్నాడు.
ఈ మూవీ విజయ్ కెరీర్ లో 12 వ మూవీగా రూపొందుతుంది. ఈ సినిమా తర్వాత విజయ్ , కిరణ్ అబ్బవరం హీరోగా రూపొందిన రాజా వారు రాణి గారు సినిమాకు దర్శకత్వం వహించిన రవి కిరణ్ కోలా దర్శకత్వంలో ఓ మూవీ చేయబోతున్నాడు. ఈ సినిమాను దిల్ రాజు నిర్మించనున్నారు. ఇకపోతే ఈ మూవీ కి రౌడీ జనార్దన్ అనే టైటిల్ ను ఈ మూవీ యూనిట్ పరిశీలిస్తున్నట్లు ఓ వార్త వైరల్ అవుతుంది.
ఇకపోతే తాజాగా ఈ సినిమాకు సంబంధించిన మరో ఇంట్రెస్టింగ్ న్యూస్ వైరల్ గా మారింది. అసలు విషయం లోకి వెళితే ... ఈ సినిమా పొలిటికల్ బ్యాక్ డ్రాప్ కథతో రూపొందినట్లు , ఈ మూవీ కి సంబంధించిన అఫీషియల్ అనౌన్స్మెంట్ మే 9 వ తేదీన విడుదల కానున్నట్లు తెలుస్తోంది. ఇకపోతే గతంలో విజయ్ పొలిటికల్ బ్యాక్ డ్రాప్ లో రూపొందిన నోటా అనే సినిమాలో హీరో గా నటించాడు. మంచి అంచనాల నడుమ విడుదల అయిన ఈ సినిమా విజయ్ కెరీర్ లో భారీ డిజాస్టర్ గా నిలిచింది. ఇలా నోట మూవీ తో పొలిటికల్ బ్యాక్ డ్రాప్ సినిమాలో హీరోగా నటించి డిజాస్టర్ ను అందుకున్న విజయ్ మరోసారి అలాంటి బ్యాక్ డ్రాప్ సినిమాలోని నటించబోతున్నట్లు వార్తలు వస్తున్నాయి.