బాలీవుడ్ లో భారీ క్రేజ్ అందుకుంటున్న విజయ్ దేవరకొండ!!

P.Nishanth Kumar
టాలీవుడ్ సెన్సేషనల్ స్టార్ విజయ్ దేవరకొండ టాలీవుడ్ లో మాత్రమే కాదు బాలీవుడ్ లో కూడా భారీ క్రేజ్ ఇమేజ్ ఉన్న హీరో గా మారాడు. ఎప్పుడైతే అక్కడ అర్జున్ రెడ్డి సినిమా విడుదల అయిందో అప్పటి నుంచే అక్కడి ప్రేక్షకులు విజయ్ దేవరకొండ ను ఫాలో అవ్వడం మొదలు పెట్టారు. అలా ఆయన చేసిన ప్రతి సినిమా కూడా హిందీలో విడుదల కావడం వల్ల ఆయనకు అక్కడ కూడా మంచి అభిమానం ఏర్పడింది. ఈ నేపథ్యంలోనే విజయ్ దేవరకొండ నటించిన ఓ చిత్రం హిందీలో యూట్యూబ్ లో రికార్డులు రికార్డులు కొడుతుంది.

పెళ్లి చూపులు సినిమాతో సాదా సీదా హీరోగా ప్రేక్షకుల ముందుకు వచ్చాడు విజయ్ దేవరకొండ. ఎలాంటి అంచనాలు లేకుండా వచ్చిన ఈ సినిమాలో ఆయన నటనకు ముగ్ధులై పోయి  అందరూ విజయ్ దేవరకొండ ను ఎంతో మెచ్చుకున్నారు. అలా తొలి సినిమాతోనే మంచి సక్సెస్ సాధించిన విజయ్ దేవరకొండ అర్జున్ రెడ్డి తో ఇక వెనుతిరిగి చూసుకోవాల్సిన అవసరం లేకుండా పోయింది.  ఆ చిత్రం ఆయనను ఆకాశమంత ఎత్తుకు చేర్చింది అని చెప్పవచ్చు. అన్ని భాషల్లోనూ ఈ సినిమా విడుదల కావడంతో ఆయనకు అన్ని భాషలలోనూ గొప్ప పేరు ప్రఖ్యాతలు వచ్చాయి. 

ఆ విధంగా ఆయన చేసిన ప్రతి సినిమా కూడా డబ్ అయ్యి ఇతర భాషల్లో విడుదల కాగా వాటికి కోటానుకోట్ల వియూస్ అందిస్తున్నారు అక్కడి ప్రేక్షకులు.  ఆ విధంగానే డియర్ కామ్రేడ్ సినిమా హిందీ డబ్బింగ్ కు సంబంధించిన వ్యూస్ ఇప్పుడు భారీ స్థాయిలో ఉన్నాయి అని చెప్పవచ్చు. ఏకంగా 360 మిలియన్ల వ్యూస్ అందుకుని ఏ సౌత్ సినిమా అందుకోని రికార్డును కొల్లగొట్టింది ఈ చిత్రం.  తెలుగులో యావరేజ్ హిట్ కాగా ఈ సినిమాకు బాలీవుడ్ లో వస్తున్న ఆదరణ చూస్తుంటే ఈ సినిమా అక్కడ కూడా విడుదల అయి ఉంటే ఏ స్థాయిలో విజయం సాధించిందో అర్థం చేసుకోవచ్చు. ఇకపోతే విజయ్ దేవరకొండ ప్రస్తుతం లైగర్ అనే పాన్ ఇండియా సినిమాతో ప్రేక్షకుల ముందుకు రానున్నాడు. అనన్య పాండే హీరోయిన్ గా నటిస్తుంది.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

vijay devearkaonda

సంబంధిత వార్తలు: