సుధీర్ బాబు, కృష్ణ ఓకే రోజున.. వర్కవుట్ అయ్యేనా!!
సూపర్ స్టార్ కృష్ణ అల్లుడు గా టాలీవుడ్ సినిమాల లోకి ప్రవేశించాడు సుధీర్ బాబు. అనతికాలంలోనే నటుడిగా పేరు తెచ్చుకుని తనదైన ముద్ర వేసుకుని హీరోగా ప్రేక్షకుల్లో మంచి అభిమానన్ని సంపాదించుకున్నాడు. తొలి చిత్రంతోనే సూపర్ హిట్ అందుకొని ఆ తరువాత ప్రేమకథాచిత్రం, సమ్మోహనం వంటి సినిమాలతో టాలీవుడ్ హిట్స్ అందుకొని హీరోగా నిలదొక్కుకున్నాడు. అయితే ఆ తర్వాత ఆ స్థాయిలో విజయాలు ఈయన ఖాతాలో చేరలేదు.
వరుస ప్లాపులు ఆయనలో ఆత్మస్థైర్యాన్ని దెబ్బతినేలా చేయడం తో బాలీవుడ్లో ఓ ప్రయత్నం చేశాడు. ఆ ప్రయత్నం కూడా విఫలం కావడంతో తెలుగులో హీరోగా సెటిల్ అవ్వాలని చెప్పి వినూత్నమైన సినిమాలు చేస్తున్నాడు. ఈ నేపథ్యంలోనే ఆయన ఇప్పుడు శ్రీదేవి సోడా సెంటర్ అనే మంచి సినిమాతో ప్రేక్షకుల ముందుకు రాబోతున్నాడు. పలాస సినిమాను తెరకెక్కించిన కరుణ కుమార్ ఈ సినిమాను డైరెక్ట్ కాగా రొమాంటిక్ యాక్షన్ డ్రామా లో నటనకు ఆస్కారం ఉన్న పాత్రలో సుధీర్ బాబు నటించాడు.
అయితే ఈ విషయం లో చెప్పుకోదగ్గ అంశం ఏమిటంటే ఆగస్టు 27వ తేదీ విడుదల అవుతుండటం. ఇది గొప్ప విశేషం అని చెప్పాలి. ఎందుకంటే ఆ రోజున సూపర్ స్టార్ కృష్ణ హీరోగా నటించిన కౌబాయ్ మూవీ మోసగాళ్లకు మొసగాడు విడుదలై అఖండ విజయం సాధించింది. అలాంటి మెమొరబుల్ డే కి సుధీర్ బాబు నటించిన శ్రీదేవి సోడా సెంటర్ చిత్రం విడుదల కాబోతుంది. ఈ తేదీ మామకు కలిసి రాగా అల్లుడికి కలసి వచ్చి ఆయనకు భారీ విజయాన్ని ఖాతాలో చేర్చుతుందా అనేది చూడాలి. ఆనంది హీరోయిన్ గా నటించిన ఈ సినిమా ప్రేక్షకులలో మంచి ఆసక్తిని రేకెత్తిస్తుంది. ఇప్పటికే ఈ చిత్రం నుంచి వచ్చిన అప్డేట్ లు సినిమా పై భారీ అంచనాలు నెలకొనేలా చేస్తున్నాయి.. ఈ నేపథ్యంలో ఈ సినిమా ఏ రేంజ్ లో హిట్ అవుతుందో..