నాగశౌర్య నిహారిక నిశ్చితార్ధం పై ప్రముఖ ఛానల్ షాకింగ్ న్యూస్ !
మెగా డాటర్ నిహారిక త్వరలో పెళ్ళి కూతురుగా మారబోతోంది అంటూ నిన్న ఒక ప్రముఖ ఛానల్ ఆసక్తికర కథనాన్ని ప్రసారం చేసింది. ‘ఒకమనసు’ సినిమా తరువాత నిహారిక హీరో నాగశౌర్యతో ప్రేమలో పడింది అని వార్తలు వచ్చినా ఇప్పటి వరకు ఆ వార్తలు కేవలం సోషల్ మీడియాకు మాత్రమే పరిమతం అయ్యాయి.
అయితే నిన్న వీరిద్దరి పెళ్ళికి సంబంధించిన నిశ్చితార్ధం ఈ సమ్మర్ లో జరగబోతోంది అంటూ బ్రేకింగ్ న్యూస్ ను లీక్ చేసింది ఆ ప్రముఖ ఛానల్. అంతేకాదు నాగశౌర్య లేటెస్ట్ మూవీ ‘ఛలో’ హిట్ వెనుక మెగా అభిమానుల పాత్ర ఉంది అన్న కామెంట్స్ కూడ ఆ ప్రముఖ ఛానల్ లో ప్రసారం అయ్యాయి.
ఈ వివాహా నిశ్చితార్దానికి ఇరు కుటుంబాల అంగీకారం లభించింది అన్న న్యూస్ కూడ ప్రముఖంగా ప్రసారం చేసింది. దీనితో త్వరలోనే మెగా కుటుంబంలో మరో పెళ్లి వేడుకకు రంగం సిద్ధం అవుతోంది అన్న సంకేతాలు వస్తున్నాయి. ముఖ్యంగా చిరంజీవిని ఈ పెళ్లి విషయమై ఒప్పించడంలో నిహారిక నాగశౌర్యలు చాల వ్యూహాత్మకంగా వ్యవహరించినట్లు తెలుస్తోంది.
2011లో హీరోగా టాలీవుడ్ ఇండస్ట్రీ ఎంట్రీ ఇచ్చిన నాగశౌర్య నటించిన సినిమాలు కొన్ని హిట్ అయినా మధ్యలో వచ్చిన ఫ్లాప్ లతో ఈ యంగ్ హీరో కెరియర్ ఇప్పటి వరకు నెమ్మదిగా నడిచింది. అయితే ‘ఛలో’ మూవీ ఊహించని విజయం సాధించడంతో ఈ యంగ్ హీరో తన స్పీడ్ ను మరింత పెంచి ప్రస్తుతం ‘నర్తనశాల’ లో నటిస్తున్నాడు. ‘ఛలో’ ఇచ్చిన సక్సస్ తో ఇప్పుడు నాగశౌర్య ఇప్పుడు ఏకంగా 4 కోట్లు పారితోషికంగా డిమాండ్ చేస్తున్నాడు అన్న వార్తలు అందర్నీ ఆశ్చర్య పరుస్తున్నాయి. ఇప్పుడు ఈ హీరోకి మెగా కుటుంబ ఆశిస్సులు కూడ లభిస్తే రానున్న రోజులలో మెగా ఫ్యామిలీ సపోర్ట్ తో ఇతడి పారితోషికం మరింత పెరిగి పోయినా ఆశ్చర్యం లేదు అన్న మాటలు వినిపిస్తున్నాయి..