గుండెల్ని పిండేసే ప్రేమకథతో "కలర్ ఫోటో" రచయిత !
ఈ సినిమాకు జాతీయ అవార్డు కూడా వచ్చిన విషయం తెలిసిందే. ఇదిలా ఉంటే... నిన్న ఒక కొత్త సినిమా టీజర్ ను విడుదల చేసింది సాయి రాజేష్ టీం.. ఈ సినిమాకు బేబీ అన్న టైటిల్ ను ఖరారు చేశారు. ఈ సినిమా టీజర్ లోనూ కలర్ ఫోటో లాగా పోలికలు ఉండడంతో టాక్ అఫ్ ది ఇండస్ట్రీ అయింది. కలర్ ఫోటో లో ఒక నల్లని అబ్బాయి అందంగా ఉన్న పెద్దింటి పిల్లను ప్రేమిస్తాడు. కానీ బేబీ లో నల్లని అమ్మాయిని అందమైన అబ్బాయి ప్రేమిస్తాడు. అందులోనూ కలర్ ఫోటో రైటర్ గా పనిచేసిన సాయి రాజేష్ ఈ సినిమాకు రైటర్ మరియు దర్శకుడు కావడంతో ఆ సందేహం నెలకొంది. కానీ ప్రేమకథలు చాలా రకాలు ఉంటాయి.
స్వచ్ఛమైన ప్రేమను ఏ విధంగా చూపించినా, ఏ తరంలో అయినా ఈ ప్రేమకథలను ఆదరించే ప్రేక్షకులు ఉండనే ఉంటారు. ఇందులో ఆనంద్ దేవరకొండ మరియు వైష్ణవి చైతన్య హీరో హీరోయిన్ లుగా నటించారు. ఈ సినిమా క్లైమాక్స్ కూడా విషాదకరంగా ఉండనుంది అని తెలుస్తోంది. మరి కలర్ ఫోటో నే తిప్పి చూపించాడా లేదా మరో గుండెల్ని పిండేసే కథను మనకు సాయి రాజేష్ పరిచయం చేయనున్నాడా అన్నది తెలియాలంటే రిలీజ్ వరకు ఆగాల్సిందే.