స్పెషల్ సాంగ్ షూట్ లో "వార్ 2" యూనిట్..?
కొంతకాలం క్రితం హృతిక్ రోషన్ హీరోగా టైగర్ షార్ప్ కీలక పాత్రలో వార్ అనే మూవీ రూపొందిన విషయం మన అందరికీ తెలిసిందే. స్టైలిష్ యాక్షన్ ఎంటర్టైనర్ మూవీ గా రూపొందిన ఈ సినిమా అద్భుతమైన విజయాన్ని అందుకొని భారీ కలెక్షన్ లను వసూలు చేసింది. ఇలా ఈ సినిమా సూపర్ సక్సెస్ కావడంతో ఈ మూవీ కి కొనసాగింపుగా వార్ 2 అనే మూవీ ని రూపొందిస్తున్నారు. ఇందులో హృతిక్ రోషన్ మరియు జూనియర్ ఎన్టీఆర్ హీరోలుగా కనిపించబోతున్నారు.
ఈ సినిమాలో కియార అద్వానీ హీరోయిన్ గా కనిపించబోతోంది. ఈ మూవీ షూటింగ్ ప్రస్తుతం ఫుల్ స్పీడ్ గా జరుగుతుంది. కొన్ని రోజుల క్రితమే ముంబై లో జరిగిన షెడ్యూల్ లో జూనియర్ ఎన్టీఆర్ కూడా జాయిన్ అయ్యాడు. కొంత భాగం షూటింగ్ మి కూడా ఎన్టీఆర్ పై ఈ మూవీ బృందం చిత్రీకరించింది. ఇకపోతే ప్రస్తుతం ఈ మూవీ బృందం వారు ఈ సినిమాకు సంబంధించిన ఐటమ్ సాంగ్ ను చిత్రీకరిస్తున్నట్లు తెలుస్తోంది. ఇక ఈ ఐటమ్ సాంగ్ లో మోస్ట్ బ్యూటిఫుల్ నటిమని అయినటువంటి ఊర్వశి రౌతేలా కనిపించబోతున్నట్లు తెలుస్తోంది.
అలాగే ఈ సాంగ్ లో హృతిక్ , ఎన్టీఆర్ కూడా కనిపించబోతున్నట్లు వార్తలు వస్తున్నాయి. ఇండియాలోనే అద్భుతమైన డాన్సర్ లుగా పేరు తెచ్చుకున్న ఎన్టీఆర్ , హృతిక్ ఒకే పాటలో కనిపించనుండడం , అది కూడా ఐటమ్ సాంగ్ కావడంతో ఈ సాంగ్ లో వీరిద్దరూ డాన్స్ తో ప్రేక్షకులకు ఫుల్ కిక్ ఎక్కించడం ఖాయం అని పలువురు అభిప్రాయ పడుతున్నారు. ఇక ఇప్పటికే బ్లాక్ బస్టర్ విజయం అందుకున్న వార్ సినిమాకు సీక్వల్ గా రూపొందుతున్న చిత్రం కావడంతో వార్ 2 చిత్రం పై ఇండియా వ్యాప్తంగా ప్రేక్షకుల్లో భారీ అంచనాలు ఉన్నాయి.