ఆ ఫ్లాప్ సినిమా తర్వాత అనేక అవకాశాలు పొందుతున్న పూర్ణ..
ఐతే ఇటీవల విడుదలైన పవర్ ప్లే సినిమాలో ఆమె సీఎం కూతురు పాత్రలో నటించి విమర్శకుల ప్రశంసలు సైతం పొందుతున్నారు. చాలా అందంగా, అమాయకంగా కనిపించే పూర్ణ ఈ సినిమాలో నెగటివ్ పాత్రను చాలా చక్కగా పోషించి తనలోని అద్భుతమైన నటనా చాతుర్యాన్ని ప్రదర్శించారు. నిజానికి ఈ సినిమా ఫ్లాప్ అయినా ఆమెకు మాత్రం కెరీర్ పరంగా మేలే చేసిందని చెప్పుకోవచ్చు. ఈ సినిమా తర్వాత ఆమెకు చాలా అవకాశాలు వస్తున్నాయని సినీ వర్గాల సమాచారం.
ఇకపోతే బాలకృష్ణ, బోయపాటి శ్రీను కాంబినేషన్ లో వస్తున్న సినిమాలో పద్మావతి అనే ఒక కీలక రోల్ లో పూర్ణ నటిస్తున్నారు. ఈమె జయలలిత బయోపిక్ అయిన తలైవి లో శశికళ పాత్ర పోషించారు. వెంకటేష్ హీరోగా నటిస్తున్న దృశ్యం 2 మూవీ లో కూడా ఈమె ఒక అతిథి పాత్రలో నటించనున్నారు. సుందరి, బ్యాక్ డోర్, తెలుగులో నాకు నచ్చని పదం ప్రేమ వంటి చిన్నపాటి సినిమాల్లో ఆమె లీడ్ రోల్ లో నటిస్తున్నారు. అలాగే ఆమె మలయాళం 1, కన్నడ 1.. తమిళంలో మూడు సినిమాల్లో నటిస్తున్నారు. ఏది ఏమైనా చాలా సంవత్సరాల తర్వాత ఈ కేరళ కుట్టి ఒకవైపు టీవీ ప్రోగ్రాములతో, మరొకవైపు చాలా సినిమాలతో ఫుల్ బిజీ గా ఉన్నారు.