విజయం మీదే : మిమ్మల్ని మీరు ప్రశ్నించుకుంటే విజయం మీ సొంతం
ప్రతి ఒక్కరూ జీవితంలో లక్ష్యాలను సాధించాలని కలలు కంటారు. ఎలాగైనా జీవితంలో లక్ష్యాలను సాధించుకోవాలని అనుకుంటూ ఉంటారు. జీవితంలో లక్ష్యాలను సాధించే క్రమంలో ఎల్లప్పుడూ మనల్ని మనం ప్రశ్నించుకోవాలి. మనల్ని మనం ప్రశ్నించుకుంటే మాత్రమే జీవితంలో ఎలాంటి లక్ష్యాలనైనా సాధించుకోవచ్చు. మనం సాధించాలనుకునే ప్రతి పనిలో మనకు ఎన్నో సమస్యలు ఎదురవుతాయి.
ఆ సమస్యలను మనకు మనం ప్రశ్నించుకుంటూ ఆ ప్రశ్నలకు సమాధానాలను వెతుక్కోవాలి. మనలో ఉండే బలాన్ని, బలహీనతలను గుర్తించడం ద్వారా ఎలాంటి సమస్యలనుండైనా సులభంగా బయటపడవచ్చు. జీవితంలో చేసే ఏ పనిలోనైనా మనల్ని మనం ఖచ్చితంగా నమ్మాలి. మనపై మనకే నమ్మకం లేకపోతే జీవితంలో లక్ష్యాలను అందుకోవడంలో సమస్యలు ఏర్పడతాయి.
జీవితంలో చిన్న వయస్సులోనే లక్ష్యాలను సాధించాలనే ఆలోచనలను పెట్టుకుంటే భవిష్యత్తు అంతా సంతోషంగా జీవించవచ్చని గుర్తుంచుకోవాలి. రోజురోజుకు నైపుణ్యాలను మెరుగుపరచుకుంటూ అవకాశాలను సద్వినియోగం చేసుకుంటే జీవితంలో అనుకున్న లక్ష్యాలను సాధించడం అంత కష్టమేమీ కాదు. జీవితంలో ఏ సమస్య ఎదురైనా మనల్ని మనం ప్రశ్నించుకొని ఆ సమస్యలను పరిష్కరించుకుంటూ ముందడుగులు వేస్తే మాత్రం విజయం సాధించడం అంత కష్టమైన పని కాదు. ఎంత పెద్ద సమస్య ఎదురైనా ఆ సమస్యకు ఖచ్చితంగా పరిష్కారం ఏదో ఒకటి ఉంటుందని గుర్తుంచుకోవాలి. అలా పరిష్కరించుకుంటూ ముందుకు సాగితే జీవితంలో ఏ పనిలోనైనా విజయం సాధించడం అంత కష్టమేమీ కాదు.