ఆ తేదీన బుల్లితెరపై "బూట్ కట్ బాలరాజు"..!
ప్రముఖ రియాలిటీ షో లలో ఒకటి అయినటువంటి బిగ్ బాస్ ద్వారా మంచి గుర్తింపును సంపాదించుకున్న సోహెల్ ప్రధాన పాత్రలో బుట్ కట్ బాలరాజు అనే సినిమా రూపొందిన విషయం మన అందరికీ తెలిసిందే. ఈ మూవీ లో మేఘ లేఖ , సునీల్ , ఇంద్రజ , సిరి హనుమంత్ , జబర్దస్త్ రోహిణి తదితరులు ముఖ్య పాత్రలలో నటించగా ... కోనేటి శ్రీను దర్శకత్వంలో ఈ మూవీ రూపొందింది.
ఇక ఈ సినిమా విడుదలకు ముందు ఈ మూవీ లో హీరోగా నటించిన సోహెల్ ఈ మూవీ గురించి చాలా గొప్పగా చెప్పడం , ప్రచారాలను జోరుగా చేయడంతో ఈ మూవీ పరవాలేదు అనే స్థాయి విజయ్యని అయిన అందుకుంటుంది అని జనాలు అనుకున్నారు. ఇకపోతే మామూలు అంచనాల నడుమ ఈ సినిమా ఫిబ్రవరి 2 , 2024 న థియేటర్ లలో విడుదల అయిన ఈ సినిమాకు విడుదల అయిన మొదటి రోజు మొదటి షో కే బాక్స్ ఆఫీస్ దగ్గర నెగటివ్ టాక్ రావడంతో ఈ సినిమా బాక్స్ ఆఫీస్ దగ్గర బోల్తా కొట్టింది. అలా బాక్స్ ఆఫీస్ దగ్గర బోల్తా కొట్టిన ఈ సినిమా మరికొన్ని రోజుల్లోనే బుల్లి తెర ప్రేక్షకులను అలరించబోతుంది. ఈ సినిమా యొక్క శాటిలైట్ హక్కులను ఈ టీవీ సంస్థ దక్కించుకుంది.
అందులో భాగంగా ఈ మూవీ ని మే 5 , 2024 న సాయంత్రం 5:00 గంటలకి ఈటీవీ తెలుగు లో ప్రసారం చేయనున్నట్లు ఈ సంస్థ వారు తాజాగా అధికారికంగా ప్రకటించారు. మరి థియేటర్ లలో ప్రేక్షకులను అలరించడంలో విఫలం అయిన ఈ సినిమా బుల్లి తెర ప్రేక్షకులను ఏ స్థాయిలో అలరిస్తుందో చూడాలి. ఇకపోతే ఇప్పటికే ఈ సినిమా ఆహా "ఓ టి టి" ప్లాట్ ఫామ్ లోకి కూడా ఎంట్రీ ఇచ్చింది. ఈ మూవీ "ఓ టి టి" ప్రేక్షకులను మాత్రం పరవాలేదు అనే స్థాయిలో ఆకట్టుకుంది.