బుడుగు: చిన్న పిల్లలు ఊబకాయంతో బాధపడుతున్నారా..?
ప్రపంచవ్యాప్తంగా మొదటి స్థానంలో చైనా ఉంది. అమెరికా బ్రిటన్ దేశాల్లో కూడా ఊబకాయులు అధికంగానే ఉన్నారు. అయితే పరిశోధకులు పిల్లల్లో అధిక బరువును గుర్తించేందుకు సులువైన మార్గాన్ని కనుగొన్నారు. పిల్లల బాడీ మాస్ ఇండెక్స్ (బీఎంబీ)ని పరిశీలించినట్లయితే పిల్లల బరువు, ఎత్తు తెలియజేస్తుందని, ఎనిమిదేళ్ల వయసు నుంచే అధిక బరువు సమస్య ప్రారంభమవుతుందని తెలియజేశారు.
సాధారణ వ్యక్తులతో పోల్చితే ఊబకాయంతో బాధపడే గర్భిణికి పుట్టే అమ్మాయికి అధిక బరువు సమస్య 10 రెట్లు అధికంగా ఉంటుందన్నారు. ఒకవేళ తండ్రి అధిక బరువుంటే అతడికి పుట్టే మగపిల్లలకు 6 రెట్లు ఊబకాయ సమస్య వచ్చే అవకాశం ఉంటుందన్నారు. ఊబకాయంతో బాధపడే తల్లిదండ్రులు, పిల్లలు తప్పకుండా ఈ క్రింది జాగ్రత్తలు పాటించాలని వైద్య నిపుణులు సూచిస్తున్నారు. స్వీట్లు, కూల్డింక్స్ ఏదైనా చక్కెరతో తయారు చేసిన మిశ్రమాన్ని సేవించకూడదు. సమతుల పోషకాహారాన్ని తీసుకోవాలి. భోజనాని ఇంట్లోనే ప్రిపేర్ చేసుకుని, కుటుంబసభ్యులంతా ఒకే చోట కలిసి తినేందుకు ప్రయత్నించాలి.
ఆహారంతోపాటు శరీరానికి వ్యాయామం కూడా అంతే అవసరం రోజూ తల్లిదండ్రులు తమ పిల్లలను పార్కులకు తీసుకెళ్లి గంటపాటు వ్యాయామం చేయాలని వైద్య నిపుణులు సూచిస్తున్నారు. అలా అని విరామం లేకుండా వ్యాయామం చేయకూడదని, 5-10 నిమిషాలు బ్రేక్ తీసుకుని ఎక్సర్సైజ్ చేస్తుండాలన్నారు. కంటి నిండా నిద్రపోవాలని తెలిపారు. రాత్రి పూట తొందరగా పడుకునేలా చూసుకోవాలని తెలుపుతున్నారు.