జగన్ సామాన్య శాస్త్రం - అసామాన్యమేనా..?
అలాగే ఇటీవల జగన్ సర్కారు సామాన్యుడిపై మరింత ప్రేమ కురిపించింది. కొత్త సినిమాలు ఇష్టానుసారం రేట్లు పెంచుకునే సంస్కృతిని రద్దు చేసింది. బెనిఫిట్ షోల పేరుతో అదనపు ఆటలు ఆడించుకునే వెసులు బాటు తీసేసింది. ఇకపై ఇదిగో టికెట్లు ఈ రేంజ్లోనే అమ్మాలి అంటూ కొన్ని నిబంధనలు కూడా తీసుకొచ్చింది. మరి వీటి సంగతేంటి.. వీటి వల్ల సినిమా పరిశ్రమ ఇబ్బందిపడుతుందని కొందరు గగ్గోలు పెడుతున్నారు. కానీ.. సామాన్యుడిపై అదనపు భారంపడకుండా ఉంటుందని.. ఇది సామాన్యుడికి మేలు చేస్తుందని వైసీపీ నాయకులు చెబుతున్నారు. సగటు ప్రేక్షకుడు కూడా తనపై కాస్త భారం తగ్గిందనే అనుకుంటున్నాడు.
ఇక సినిమా టికెట్ల తర్వాత ఇప్పుడు జగన్ సర్కారు మద్యంపై దృష్టి సారించింది. ఏపీ సర్కారు తాజాగా మరోసారి మద్యం పన్ను రేట్లలో మార్పులు తీసుకొచ్చింది. వ్యాట్, అదనపు ఎక్సైజ్ డ్యూటీ ప్రత్యేక మార్జిన్లు తగ్గించింది. వ్యాట్, అదనపు ఎక్సైజ్ డ్యూటీ ప్రత్యేక మార్జిన్ తగ్గించడం వల్ల ఏపీలో మద్యం ధరలు తగ్గబోతున్నాయి. దేశంలో తయారయ్యే ఫారిన్ లిక్కర్ రకంపై 5 నుంచి 12 శాతం, ఇతర అన్ని కేటగిరీల మద్యంపై 20 శాతం వరకు ధరలు తగ్గుతాయట.
ఇలా జగన్ సామాన్యుడి గురించి ఆలోచించడం బాగానే ఉంది. అలాగే ఆ రోడ్ల సంగతి కూడా జగన్ సర్కారు పట్టించుకుంటే బావుంటుంది. ఏపీ రోడ్లపై సోషల్ మీడియాలో మీమ్స్ మామూలుగా రావడం లేదు. ఈ సమస్యను కూడా జగన్ సర్కారు సామాన్యుడి కోణంలో ఆలోచించి పరిష్కరించాలి.