13 ఏళ్ల బాలికను దారుణంగా కొట్టిన ఆంటీ.. షాకింగ్ వీడియో వైరల్?
ప్రస్తుతం సోషల్ మీడియాలో ఒక చాలా షాకింగ్ వీడియో వైరల్‌గా మారింది. ఆ వీడియోలో ఒక మహిళ తన మేనకోడల్ని చాలా క్రూరంగా కొడుతూ, తిడుతూ ఉంది. ఈ ఘటన మధ్యప్రదేశ్‌లోని రత్లాం జిల్లాలో జరిగింది. ఆ మహిళ పేరు పూజ అని, ఆమె దీందయాల్ నగర్‌లో నివసిస్తుందని తెలిసింది. ఆమె తన 13 ఏళ్ల అక్క బిడ్డను చాలా దారుణంగా కొట్టింది. ఈ ఘటన చూసిన నెటిజన్లు ఆమెపై చాలా ఆగ్రహం వ్యక్తం చేస్తున్నారు. ఈ ఘటనపై అమ్మాయి తాత పోలీసులకు ఫిర్యాదు చేశారు. దీంతో పోలీసులు ఆ ఆంటీపై కేసు పెట్టారు.
ఆ అమ్మాయి తల్లిదండ్రులు విడాకులు తీసుకున్నారు. అయితే ఆ బాలిక తన నాన్న ఇంట్లోనే ఉంటుంది. ఇటీవల మేనత్త పూజ ఈ బాలికను ఒక విషయం అడిగింది. కాగా ఆ 13 ఏళ్ల బాలిక ఆంటీకి నచ్చని విధంగా జవాబిచ్చింది. దీంతో పూజలో కోపం పెరిగిపోయింది. అంతే, చిన్నారి అని కూడా చూడకుండా 13 ఏళ్ల బాలికను కొట్టడం మొదలుపెట్టింది.
వైరల్ అవుతున్న వీడియోలో పూజ బాలికను తన కాళ్ళ మధ్యలో ఒత్తి పట్టి రెండు చేతులతో కనికరం లేకుండా, క్రూరంగా కొడుతూ ఉంది. "ఇప్పుడు మాట్లాడతావా? ఇప్పుడు చేస్తావా?" అని అమ్మాయిని భయపెడుతూ ఉంది. అమ్మాయి అమ్మమ్మను కాపాడమని అడిగినా, పూజ ఆపకుండా కొట్టడం కొనసాగించింది.
బాధితురాలి అమ్మమ్మ ఈ ఘటన మొత్తం వీడియో తీశారు. ఆ వీడియోను బుధవారం అమ్మాయి అమ్మకు పంపారు. బాలిక అమ్మ చాలా బాధపడి, తన తండ్రికి చెప్పింది. తాత పోలీసులకు ఫిర్యాదు చేసి పూజపై కఠిన చర్యలు తీసుకోవాలని పోలీసులను కోరారు. తన బిడ్డ తన మాజీ భర్త తండ్రి ఇంట్లో నివసిస్తుండగా మేనత్త వేధిస్తోందని అమ్మాయి అమ్మ చెప్పారు. ఈ విడిపోయిన దంపతులకు ఇద్దరమ్మాయిలు ఉన్నారు. ఒక అమ్మాయి అమ్మతో ఉంటుంది. మరొక అమ్మాయి నాన్నతో కలిసి ఉంటుంది. ఈ https://x.com/manurajsaxena21/status/1826549998470811759?t=yhmwell5ywYXqmvWuBBkPQ&s=19 లింక్ పై క్లిక్ చేసి మేనత్త మేనకోడల్ని ఎంత దారుణంగా కొడుతుందో చూడొచ్చు.